Russian Military Plane Crash : रशियाचे लष्करी विमान कोसळून २९ जणांचा मृत्यू, क्रिमियामध्ये भीषण दुर्घटनेने खळबळ
01-Apr-2026
Total Views |
_202604011213385920_H@@IGHT_350_W@@IDTH_696.jpg "Russian Military Plane Crash")
मुंबई : (Russian Military Plane Crash) रशियाचे AN-26 लष्करी मालवाहू विमान क्रिमिया भागात एका डोंगराच्या कड्याला धडकून कोसळले. या अपघातात विमानातील सर्व २९ जणांचा मृत्यू झाला आहे, ज्यात २३ प्रवासी आणि ६ कर्मचारी आहेत. उड्डाणादरम्यान विमानाशी संपर्क तुटल्याची नोंद आहे. प्राथमिक माहितीनुसार, हा अपघात तांत्रिक बिघाडामुळे झाल्याचा अंदाज वर्तवला जात आहे. रशियाच्या संरक्षण मंत्रालयाने याबाबत अधिकृत माहिती दिली आहे.(Russian Military Plane Crash)
रशियाने २०१४ मध्ये युक्रेनकडून ताब्यात घेतलेल्या (अॅनेक्स्ड) काळ्या समुद्रातील द्वीपकल्पावर (Peninsula) हा अपघात झाला. टास या वृत्तसंस्थेने मंत्रालयाच्या हवाल्याने म्हटले आहे की, "ज्या AN-26 विमानाशी संपर्क तुटला होता, ते एका कड्यावर आदळले." अपघाताची जागा शोधण्यात आली असली तरी, नेमकी ही दुर्घटना कशी घडली याबद्दल अधिकाऱ्यांनी अद्याप सविस्तर माहिती दिलेली नाही.(Russian Military Plane Crash)
तांत्रिक बिघाडामुळे अपघात
समोर आलेल्या माहितीनुसार, प्राथमिक अंदाजानुसार तांत्रिक बिघाडामुळे हा अपघात झाला असावा. रशियन संरक्षण विभागाच्या अधिकाऱ्यांनी कार्यालयीन वेळेव्यतिरिक्त इतर वेळी केलेल्या प्रतिक्रियेच्या विनंतीला त्वरित प्रतिसाद दिलेला नाही. या घटनेमुळे, या प्रदेशातील वाढत्या तणावाच्या पार्श्वभूमीवर, रशियन लष्करी वाहतूक मोहिमांच्या सुरक्षिततेबाबत नव्याने चिंता व्यक्त केली जात आहे.(Russian Military Plane Crash)
अनिशा डुंबरे
मुंबईतील पाटकर-वर्दे महाविद्यालयातून अर्थशास्त्र विषयातत पदवी. सध्या दै. मुंबई तरुण भारत मध्ये वेब उपसंपादक पदावर कार्यरत. लिखाण, वाचन आणि निवेदनाची विशेष आवड. मराठी साहित्य, इतिहास, राजकारण, आणि मनोरंजन विषयांत रस. महाविद्यालयीन काळात वक्तृत्व, कथाकथन, काव्यवाचन स्पर्धांमध्ये सहभाग आणि पारितोषिके.\