Oracle Layoffs: आयटी क्षेत्रात खळबळ! सकाळी ६ वाजता मेल अन्... या कंपनीने एकाचवेळी तब्बल ३०,००० कर्मचाऱ्यांना नोकरीवरून काढलं!

राष्ट्रवादी शरद पवार गटाचे आमदार रोहित पवार यांनी एक्सवर पोस्ट करत यावर प्रतिक्रिया दिली आहे. "आजच्या AI च्या जमान्यात कुणाच्याही नोकरीची हमी राहिली नसून तुम्ही कितीही जुने कर्मचारी असाल तरी कोणत्याही क्षणी तुम्हाला नोकरीतून कमी केल्याचा ई-मेल तुमच्या इनबॉक्समध्ये येऊन तुम्ही बेरोजगार होऊ शकता, हे ओरॅकल कंपनीच्या ताज्या निर्णयाच्या निमित्ताने पुन्हा एकदा दिसून आलं. हे कितीही महत्त्वाचं असलं तरी आज सुरु असलेल्या राजकारणात ते कुणालाही दिसणार नाही. आपल्याला मात्र राजकारणाच्या पलीकडं जाऊन सिस्टिमच्या विरोधात लढावं लागणार आहे, हे प्रत्येकानेच ध्यानात घेण्याची गरज आहे," असं रोहित पवारांनी सोशल मीडियावरील पोस्टमध्ये म्हटले आहे.(Oracle Layoffs)