जेव्हा काळम्मादेवीच्या भेटीला बाजी वाघ येतो ! सह्याद्रीत श्रद्धा-विज्ञानाचा अनोखा मेळ

चांदोली राष्ट्रीय उद्यानअंतर्गत आंबा वनपरिक्षेत्रातील मौजे उदगिरी हे बफर क्षेत्रातील एक महत्त्वाचे गाव आहे. उदगिरी गावाची ओळख केवळ त्याच्या निसर्गसंपदेपुरती मर्यादित नाही. तर येथे असलेल्या काळम्मादेवीच्या प्राचीन आणि प्रसिद्ध मंदिरामुळेही हे गाव विशेष प्रसिद्ध आहे. दरवर्षी धुलीवंदनाच्या दिवशी काळम्मादेवीची भव्य यात्रा भरते. हजारो भाविक देवीच्या दर्शनासाठी येतात. यात्रेदरम्यान भाविकांची मोठ्या संख्येने गर्दी होत असल्याने वनक्षेत्राच्या सुरक्षेच्या दृष्टीने सह्याद्री व्याघ्र प्रकल्पातील कर्मचारी विशेष दक्षता घेतात. वन वनवा होऊ नये, अवैध वृक्षतोड अथवा अवैध शिकार यांसारखे प्रकार घडू नयेत यासाठी विविध ठिकाणी अधिकारी आणि कर्मचारी तैनात केले जातात. गस्त पथके, ट्रॅप कॅमेरे आणि सतत निरीक्षण यांद्वारे संपूर्ण परिसरावर लक्ष ठेवले जाते. श्रद्धा आणि सुरक्षा यांचा समतोल राखत वन्यजीव संरक्षणाची जबाबदारी प्रभावीपणे पार पाडली जाते.