LPG ग्राहकांसाठी मोठी बातमी! तीन महिन्यांच्या आत पाइपलाइन गॅस घेणं अनिवार्य, सरकारकडून नवे फर्मान

मुंबई : (LPG Gas Connection Surrender PNG) मध्य-पूर्वेत सुरू असलेले युद्ध आणि गॅसची टंचाई लक्षात घेता, केंद्र सरकारने मोठं पाऊल उचलत नैसर्गिक वायू आणि पेट्रोलियम उत्पादनं वितरण आदेश २०२६ लागू केला आहे. हा आदेश तात्काळ प्रभावाने लागू झाला आहे. या आदेशानुसार, ज्या भागात पाईप्ड नॅचरल गॅस (PNG) उपलब्ध आहे, तेथे ग्राहकांनी पीएनजी न स्वीकारल्यास त्यांचा एलपीजी (LPG) पुरवठा खंडित केला जाईल. या निर्णयाची अंमलबजावणी सुरू झाली आहे.(LPG Gas Connection Surrender PNG)

पश्चिम आशियातील युद्धामुळे एलपीजीच्या तुटवड्याचा सामना भारत करत आहे, ज्यामुळे जागतिक ऊर्जा पुरवठा विस्कळीत झाला आहे. त्यामुळे सरकार आता घरगुती आणि व्यावसायिक वापरासाठी पीएनजीला प्रोत्साहन देत आहे, कारण देशांतर्गत उत्पादन आणि विविध स्रोतांमुळे पीएनजी अधिक विश्वसनीय मानला जातो. पेट्रोलियम आणि नैसर्गिक वायू मंत्रालयाने २४ मार्च रोजी जारी केलेल्या नवीन आदेशानुसार, एकदा सूचना मिळाल्यानंतर कुटुंबांकडे पीएनजी निवडण्यासाठी केवळ तीन महिन्यांचा कालावधी असेल, अन्यथा त्यांचा एलपीजी कनेक्शनचा हक्क संपुष्टात येईल.(LPG Gas Connection Surrender PNG)

आदेशात स्पष्ट करण्यात आले आहे की, एकदा अधिकृत संस्थेने तुमच्या भागात पीएनजी उपलब्ध असल्याची माहिती दिली की, तो बदल करणे आता ऐच्छिक राहणार नाही. आदेशानुसार, "अशा पत्त्यावरील एलपीजी पुरवठा सूचना मिळाल्यापासून तीन महिन्यांनंतर बंद केला जाईल." मात्र, यात एक सवलत आहे. जर तांत्रिक कारणांमुळे पीएनजी कनेक्शन देणे शक्य नसेल, तरच पुरवठादाराने दिलेल्या ना-हरकत प्रमाणपत्राच्या (NOC) आधारे एलपीजी सुरू ठेवता येईल.(LPG Gas Connection Surrender PNG)

या आदेशाची काटेकोर अंमलबजावणी करण्यासाठी नियुक्त अधिकाऱ्यांना दिवाणी न्यायालयाप्रमाणे अधिकार देण्यात आले आहेत. कंपन्यांनी मंजुरी मिळाल्यानंतर चार महिन्यांच्या आत काम सुरू करणे अनिवार्य आहे, अन्यथा त्यांना दंड किंवा त्यांचे अधिकार गमावण्याची भीती असेल.(LPG Gas Connection Surrender PNG)