PM Modi Donald Trump Call : पंतप्रधान मोदी - ट्रम्प यांच्यात फोनवरून चर्चा! नेमकं काय बोलणं झालं?

 

पंतप्रधान मोदींनी एक्सवर पोस्ट करत यासंदर्भात माहिती दिली. पोस्टमध्ये त्यांनी म्हटलंय की, राष्ट्राध्यक्ष डोनाल्ड ट्रम्प यांचा फोन आला आणि पश्चिम आशियातील परिस्थितीवर त्यांच्याशी उपयुक्त चर्चा झाली. परिस्थिती शांत करण्यासाठी आणि शक्य तितक्या लवकर शांतता प्रस्थापित करण्यासाठी भारत प्रयत्नशील आहे. होर्मुझची सामुद्रधुनी खुली, सुरक्षित आणि सर्वांसाठी उपलब्ध राहणे हे संपूर्ण जगासाठी अत्यावश्यक आहे. शांतता आणि स्थैर्य प्रस्थापित करण्याच्या दिशेने पुढील पावले उचलण्यासाठी होणाऱ्या प्रयत्नांबद्दल आम्ही संपर्कात राहू, असेही मोदी म्हणाले.(PM Modi Donald Trump Call)

पश्चिम आशियामध्ये गेल्या तीन आठवड्यांपासून सुरू असलेल्या भीषण युद्धामुळे जगावर इंधन टंचाईचे संकट ओढवले आहे.भारतही या परिस्थितीपासून अलिप्त नसून, अशा आव्हानात्मक काळात संयम, दृढनिश्चय आणि एकजूट आवश्यक असल्याचे पंतप्रधान नरेंद्र मोदी यांनी मंगळवारी राज्यसभेत बोलताना स्पष्ट केले. पश्चिम आशियातील परिस्थितीवर भारताची भूमिका मांडत त्यांनी देशातील नागरिकांना शांततेचे आवाहन केले.(PM Modi Donald Trump Call)