Vishwa Marathi Sammelan 2026 : विश्व मराठी संमेलनात दादासासाहेब फाळके चित्रनगरीच्या दालनाचा डंका

महाराष्ट्र चित्रपट रंगभूमी आणि सांस्कृतिक विकास महामंडळाच्या माध्यमातून चित्रपट क्षेत्रासाठी विविध योजना - उपक्रम राबवले जातात. या उपक्रमांची माहिती या दालनाच्या माध्यमातून देण्यात येत आहे. यामध्ये एक खिडकी योजना, दर्जेदार मराठी चित्रपटांना अर्थसहाय्य योजना, राज्य मराठी चित्रपट पुरस्कार सोहळा, चित्रपताका आंतरराष्ट्रीय चित्रपट महोत्सव, चरित्रपट योजना यांच्यासह विविध उपक्रम, कार्यक्रम, अभियानाची माहिती देण्यात येत आहे. तसेच खास तरुण पिढी साठी कंटेंट क्रिएशन झोन तयार करण्यात आला होता. हा झोन सर्वाधिक लक्षवेधी ठरत आहे. या झोन ला तरुणांसह ज्येष्ठ नागरिक सुद्धा कंटेंट तयार करत आहेत. तसेच या दालनात नवोदित तरुणांना सिनेसृष्टीत काम करण्याचा संदेश देण्यात आला आहे. महाराष्ट्र चित्रपट रंगभूमी आणि सांस्कृतिक विकास महामंडळ आणि राष्ट्रीय चित्रपट आणि टेलिव्हिजन संस्था (FTII) यांच्या सामंजस्य कराराच्या माध्यमातून अनेक प्रशिक्षणवर्ग चालवण्यात येत आहेत. त्याची अधिक माहिती या दालनात देण्यात आली.