Donald Trump : "... तर पाकिस्तानचे पंतप्रधान मारले गेले असते", भारत-पाक युद्धावरुन ट्रम्प यांचा खळबळजनक दावा
25-Feb-2026
Total Views |
_202602251636196223_H@@IGHT_350_W@@IDTH_696.jpg "Donald Trump On India - Pakistan War")
मुंबई : (Donald Trump On India - Pakistan War) ऑपरेशन सिंदूरदरम्यान भारत आणि पाकिस्तान यांच्यात झालेला संघर्ष मी थांबवला असा दावा वारंवार करणाऱ्या अमेरिकन राष्ट्राध्यक्ष डोनाल्ड ट्रम्प यांनी आता पुन्हा खळबळजनक विधान केले आहे. 'मी मध्यस्थी केली नसती तर भारत पाकमध्ये अणुयुद्ध झाले' असा नवा दावा ट्रम्प यांनी केला आहे. एवढेच नव्हे तर कदाचित पाकिस्तानचे पंतप्रधान मारले गेले असते असेही ट्रम्प यांनी म्हटले आहे. (Donald Trump On India - Pakistan War)
काय म्हणाले डोनाल्ड ट्रम्प?
ट्रम्प यांच्या दुसऱ्या कार्यकाळातील पहिल्या स्टेट ऑफ द युनियन भाषणात त्यांनी भारत - पाकिस्तान यांच्यातील अणुयुद्ध थांबवल्याचा नवा दावा केला. "ऑपरेशन सिंदूर सुरु असताना ३५ दशलक्ष नागरिकांचे जीव धोक्यात होते. मी मध्यस्थी केली नसती तर पाकिस्तानचे पंतप्रधान शहबाज शरिफ मारले गेले असते असे ३५ दशलक्ष लोक म्हणाले, पदभार स्वीकारल्यापासून पहिल्या १० महिन्यांत मी भारत-पाकिस्तानसह आठ युद्ध थांबवली" असे ट्रम्प म्हणाले. (Donald Trump On India - Pakistan War)
कोणती आठ युद्ध थांबवल्याचा दावा?
ट्रम्प यांनी भाषणामध्ये जगभरातील आठ युद्ध थांबवल्याचा दावा केला आहे. यामध्ये इस्त्रायल - हमास, इस्त्रायल - इराण, इजिप्त आणि इथोपिया, भारत-पाकिस्तान, सर्बिया आणि कोसोवो, रवांडा आणि काँगो, अर्मेनिया आणि अझरबैजान आणि कंबोडिया आणि थायलंड यांच्यातील संघर्ष माझ्यामुळे थांबला, असा दावा ट्रम्प यांनी केला आहे. (Donald Trump On India - Pakistan War)
गेल्यावर्षी मे महिन्यात भारत आणि पाकिस्तानमध्ये संघर्ष झाला. पहलगाम येथे दहशतवादी हल्ल्यात २६ पर्यटकांचा मृत्यू झाल्यानंतर भारतीय लष्कराने पाकिस्तानातील दहशतवादी तळांना ऑपरेशन सिंदूर राबवत लक्ष्य केले होते. भारताच्या ऑपरेशन सिंदूरला उत्तर म्हणून पाकिस्तानकडून देखील हल्ला करण्यात आला होता. दरम्यान ट्रम्प यांनी त्यांनी मध्यस्थी केल्यामुळे युद्ध थांबल्याचा दावा केला होता. त्यानंतर जागतिक स्तरावर त्यांच्याकडून वारंवार हा दावा केला जातो. (Donald Trump On India - Pakistan War)
अनिशा डुंबरे
मुंबईतील पाटकर-वर्दे महाविद्यालयातून अर्थशास्त्र विषयातत पदवी. सध्या दै. मुंबई तरुण भारत मध्ये वेब उपसंपादक पदावर कार्यरत. लिखाण, वाचन आणि निवेदनाची विशेष आवड. मराठी साहित्य, इतिहास, राजकारण, आणि मनोरंजन विषयांत रस. महाविद्यालयीन काळात वक्तृत्व, कथाकथन, काव्यवाचन स्पर्धांमध्ये सहभाग आणि पारितोषिके.\