Ajit Pawar Plane Crash : उपमुख्यमंत्री अजित पवार यांच्या पार्थिवावर शासकीय इतमामात अंत्यसंस्कार
राज्यात तीन दिवसांचा दुखवटा जाहीर
Total Views |
मुंबई : (Ajit Pawar Plane Crash) राज्याचे उपमुख्यमंत्री तथा वित्त व नियोजन, राज्य उत्पादन शुल्क मंत्री अजित पवार यांच्या दु:खद निधनानंतर महाराष्ट्रात २८ ते ३० जानेवारी २०२६ हा तीन दिवसांचा दुखवटा जाहीर करण्यात आला आहे. त्यांच्या पार्थिवावर शासकीय इतमामात अंत्यसंस्कार करण्यात येणार आहेत, असे सामान्य प्रशासन विभाग (राजशिष्टाचार) विभागामार्फत कळविण्यात आले आहे.(Ajit Pawar Plane Crash)
या तीन दिवसांच्या कालावधीत महाराष्ट्रातील ज्या इमारतींवर नियमितपणे राष्ट्रध्वज फडकविण्यात येतो, त्या सर्व ठिकाणी राष्ट्रध्वज अर्ध्यावर उतरविण्यात येईल. तसेच या कालावधीत कोणतेही शासकीय मनोरंजन कार्यक्रम आयोजित करण्यात येऊ नयेत. उपमुख्यमंत्री अजित पवार यांच्या दुःखद निधनामुळे बुधवार, दिनांक २८ जानेवारी २०२६ रोजी राज्यातील सर्व राज्य शासकीय कार्यालये बंद राहतील, असे कळविण्यात आले.(Ajit Pawar Plane Crash)
हेही वाचा : Ajit Pawar Plane Crash: पंतप्रधान नरेंद्र मोदींचा शरद पवारांना फोन...
विद्या प्रतिष्ठान येथे संध्याकाळी ४ वाजतापासून उपमुख्यमंत्री अजित पवार यांचे पार्थिव अंत्यदर्शनासाठी ठेवण्यात येणार आहे. गुरुवारी सकाळी ९ वाजता त्यांची अंत्ययात्रा निघेल, तर सकाळी ११ वाजता विद्या प्रतिष्ठान येथील मैदानावर त्यांच्यावर अंत्यसंस्कार केले जातील, अशी माहिती विद्या प्रतिष्ठानच्या विश्वस्तांनी दिली.(Ajit Pawar Plane Crash)