हरिद्वारमधील हर की पौडी येथे गैरहिंदूंना प्रवेशबंदीचे पोस्टर्स
17-Jan-2026
Total Views |
मुंबई : (Haridwar Non-Hindu Ban) उत्तराखंडमधील हरिद्वारच्या हर की पौडी परिसरात 'गैरहिंदूंना प्रवेश बंदी' (Haridwar Non-Hindu Ban) असे लिहिलेले पोस्टर्स लावण्यात आले आहेत. हर की पौडी परिसराची देखरेख करणारी संस्था गंगा सभेने हे पोस्टर्स लावल्याचे वृत्त आहे. गंगा सभेचे म्हणणे आहे की हे ठिकाण सनातन संस्कृतीचे श्रद्धेचे केंद्र आहे आणि गैरहिंदूंना प्रवेश पूर्णपणे प्रतिबंधित केला पाहिजे. या संदर्भात गंगा सभेने प्रशासनाकडे १९१६ च्या नगरपालिका उपनियमांची कठोरपणे अंमलबजावणी करण्याची मागणी केली.(Haridwar Non-Hindu Ban)
सदर पोस्टर्स हे हिंदूंच्या धार्मिक श्रद्धा, परंपरा आणि पावित्र्याशी संबंधित आहेत आणि प्रशासनाने यासाठी सहकार्य करावे अशी मागणी सभेने केली आहे. गंगा सभेचे अध्यक्ष नितीन गौतम यांनी सांगितले की, गंगेची ओळख, सनातन श्रद्धा आणि हर की पौडी परिसराची सुव्यवस्था त्यांच्यासाठी सर्वोपरि आहे.(Haridwar Non-Hindu Ban)
गंगा सभेची मागणी काय आहे?
हरिद्वारमधील विविध घाटांवर गैरहिंदूंच्या प्रवेशावर बंदी (Haridwar Non-Hindu Ban) घालण्याची मागणी गंगा सभा बऱ्याच काळापासून करत आहे. अलिकडेच मुस्लिमांच्या वेशात आलेल्या दोन तरुणांनी वातावरण बिघडवण्याचा प्रयत्न केला. अशा घटना पुन्हा घडू नयेत यासाठी हे पाऊल उचलले जावे असे गंगा सभेने सांगितले आहे.(Haridwar Non-Hindu Ban)
मुख्यमंत्री धामी काय म्हणाले?
मुख्यमंत्री पुष्कर सिंह धामी यांनी अलीकडेच सांगितले की कुंभमेळा, चारधाम यात्रा आणि इतर धार्मिक स्थळांसाठी वेगळे कायदे अस्तित्वात आहेत आणि सरकार या सर्व कायद्यांचा सखोल अभ्यास करत आहे. संत, धार्मिक संघटना आणि इतर भागधारकांकडूनही सूचना मागवल्या जात आहेत. हरिद्वार आणि गंगा मातेला पुराणांमध्ये विशेष महत्त्व आहे आणि त्यांचे पावित्र्य आणि प्रतिष्ठा राखणे हे सरकारचे प्राधान्य आहे. सरकार भागधारकांच्या सहमती आणि सूचनांच्या आधारे निर्णय घेईल.(Haridwar Non-Hindu Ban)
चारूदत्त टिळेकर
बारामती येथील तुळजाराम चतुरचंद महाविद्यालयात वाणिज्य विषयामध्ये पदवीचे शिक्षण. पुण्यातील रानडे इन्स्टिट्यूट येथून संज्ञापण आणि वृत्तपत्रविद्येमध्ये पदव्युत्तर पदवी. अनेक राज्यस्तरीय वक्तृत्व स्पर्धांमध्ये सहभाग. रानडे इन्स्टिट्यूट येथे 'पश्चिम महाराष्ट्रातील वक्तृत्व स्पर्धांची परंपरा, समस्या आणि परिणाम' या विषयात सखोल अहवाल सादर. सध्या मुंबई तरुण भारत येथे पत्रकार म्हणून कार्यरत.