जनहिताचा विचार करून मतदान केले पाहिजे : सरसंघचालक

मुंबई (विशेष प्रतिनिधी) : "लोकशाहीच्या रचनेमध्ये मतदान महत्त्वाची बाब आहे. ते सर्व नागरिकांचे कर्तव्यही आहे. आपल्याला जो योग्य वाटतो, त्या उमेदवाराला मत देणे हे महत्त्वाचे आहे.जनहिताचा विचार करून मतदान केले पाहिजे", असे मत राष्ट्रीय स्वयंसेवक संघाचे सरसंघचालक डॉ. मोहनजी भागवत यांनी व्यक्त केले. नागपूर महानगरपालिका निवडणूकीत सरसंघचालकांनी मतदानाचे कर्तव्य बजावले. महाल येथील नागपूर नाईट हायस्कुल येथील मतदान केंद्रात त्यांनी मतदान केले. त्यांच्यासमवेत अखिल भारतीय कार्यकारिणी सदस्य भैय्याजी जोशी, नागपूर महानगर कार्यवाह राजेश लोया हेदेखील उपस्थित होते.