Mangal Prabhat Lodha: राज्यातील २० हजार तरुणांना जपानमध्ये रोजगाराची संधी; मंत्री मंगलप्रभात लोढा

मुंबई : (Mangal Prabhat Lodha) राज्यातील कौशल्य प्रशिक्षित तरुणांना जपानमध्ये रोजगाराची संधी उपलब्ध होणार असून येत्या तीन महिन्यात याबाबाबत निर्णय घेतला जाणार असल्याची माहिती कौशल्य, रोजगार, उद्योजकता व नाविन्यता मंत्री मंगलप्रभात लोढा यांनी दिली. (Mangal Prabhat Lodha)

जपानच्या होक्काईडो प्रांताचे उपराज्यपाल कानो ताकायुकी यांनी मंत्रालयात मंत्री लोढा यांची शिष्टमंडळासह भेट घेतली. यावेळी कौशल्य प्रशिक्षित मनुष्यबळाची जपानमध्ये मोठी मागणी असून रोजगाराची संधी असल्याचे त्यांनी सांगितले. याप्रसंगी कौशल्य विभागाच्या अपर मुख्य सचिव मनीषा वर्मा, व्यवसाय शिक्षण आणि प्रशिक्षण संचालनालयाच्या संचालक माधवी सरदेशमुख, जपानच्या आंतरराष्ट्रीय व्यवहार विभागाचे वरिष्ठ संचालक तोशिनोरी नाईतो, परदेशी मनुष्यबळ विभागाचे संचालक ईजी यामामोटो, तसेच आंतरराष्ट्रीय व्यवसाय विभागाचे संचालक माकोतो ताकाहाशी, आंतरराष्ट्रीय व्यवसाय विनिमय विभागाच्या प्रमुख हिरोए मिकामी हे उपस्थित होते. (Mangal Prabhat Lodha)

होक्काईडो हा जपानच्या उत्तरेकडील प्रांत असून, जपानचा जवळपास २२ टक्के भाग या प्रांताने व्यापला आहे. या प्रांतात कृषी, मत्स्य उद्योग, बांधकाम आणि पायाभूत सुविधा तसेच नर्सिंग क्षेत्रात मनुष्यबळाची नितांत गरज आहे. त्यानुसार कुशल मनुष्यबळाच्या उपलब्धतेसाठी होक्काईडो प्रांताने आंतरराष्ट्रीय भागीदारीसाठी पुढाकार घेतला आहे. त्याचाच एक भाग म्हणून या प्रांताच्या शिष्टमंडळाने मंत्री लोढा यांची भेट घेतली. (Mangal Prabhat Lodha)

मंत्री मंगलप्रभात लोढा म्हणाले की, "जागतिक स्तरावर भारतीय मनुष्यबळ क्रियाशील ठेवण्यासाठी पंतप्रधान नरेंद्र मोदी यांचा कौशल्य विकासावर अधिक भर आहे. त्यादृष्टीने मुख्यमंत्री देवेंद्र फडणवीस यांच्या मार्गदर्शनात राज्यातील कौशल्य विभाग कार्यरत असून विविध देशांमध्ये राज्यातील युवकांना रोजगाराची संधी उपलब्ध करण्याच्या दृष्टीने काम सुरु आहे. विद्याविहार येथील स्वामी विवेकानंद कौशल्य विकास प्रबोधिनीद्वारे योग्य कौशल्य प्रशिक्षण आणि जपानी भाषेचे शिक्षण देण्याचा आमचा प्रयत्न आहे." (Mangal Prabhat Lodha)

भारतीय कौशल्य प्रशिक्षित तरुणांना जगभरात रोजगार

जपानमध्ये कृषी, वैद्यकीय, विविध तंत्रज्ञ, बांधकाम आणि सेवा क्षेत्रात मोठ्या प्रमाणात संधी असल्याचे कानो ताकायुकी यांनी सांगितले. तसेच भारतीय युवक अधिक कार्यक्षमतेने काम करत असून भारतीय कौशल्य प्रशिक्षित तरुणांना जगभरात मोठ्या आदराने रोजगार उपलब्ध करून देण्यात येत आहेत. सध्या जपानच्या होक्काईडो प्रांतात आवश्यक असलेल्या मनुष्यबळावर या बैठकीत चर्चा झाली असून जपानमधल्या इतर प्रांतातही असलेल्या संधीची पुढील काळात चाचपणी करण्यात येणार आहे. (Mangal Prabhat Lodha)