BMC Elections : महानगरपालिकेच्या निवडणुकीत मतदान करताना ओळखपत्र दाखवा

मुंबई : (BMC Elections) महानगरपालिका निवडणूक (BMC Elections) साठी पात्र मतदारांना मतदान केंद्रावर मतदार छायाचित्र ओळखपत्र दाखवल्यानंतर मतदान करता येईल. जर एखाद्या पात्र मतदाराकडे मतदार छायाचित्र ओळखपत्र नसल्यास त्या व्यक्तीला माननीय राज्य निवडणूक आयोग, महाराष्‍ट्र यांनी दिनांक १४ जुलै २०२५ च्या आदेशानुसार निश्चित केलेल्या अन्य १२ प्रकारच्या ओळखीच्या पुराव्यापैकी कोणताही एक पुरावा दाखविल्यानंतर मतदान करता येईल, अशी माहिती महानगरपालिका आयुक्‍त तथा जिल्‍हा निवडणूक अधिकारी भूषण गगराणी यांनी दिली आहे.(BMC Elections)

 

या निवडणुकीत (BMC Elections) मतदान करण्यासाठी पात्र मतदाराने मतदान केंद्रावर स्वतःची ओळख पटविण्यासाठी छायाचित्र असलेले मतदार ओळखपत्र सादर करावे. परंतु ज्यांच्याकडे छायाचित्र असलेले मतदार ओळखपत्र नसेल, अशा मतदारांना ओळख पटविण्यासाठी माननीय राज्य निवडणूक आयोगाने निश्चित केलेल्या १२ पैकी कोणताही एक पुरावा सादर करावा लागेल, अशी माहिती गगराणी यांनी दिली आहे.(BMC Elections)

 

लोकशाही प्रक्रियेत मतदान हा नागरिकांचा मूलभूत अधिकार आहे. मतदान करताना प्रत्येक मतदाराने स्वतःची ओळख पटवून देण्यासाठी मतदार छायाचित्र ओळखपत्र सादर करावे. ज्यांच्याकडे सदर ओळखपत्र नसेल त्यांनी माननीय राज्य निवडणूक आयोगाने (BMC Elections) निश्चित केलेल्या १२ पुराव्यांपैकी कोणताही एक पुरावा मतदान केंद्रावर सादर करावा. यामुळे मतदान प्रक्रिया अधिक पारदर्शक व सुरळीत पार पडण्यास मदत होईल, असेदेखील गगराणी यांनी नमूद केले.(BMC Elections)

 

 

१) भारताचे पारपत्र (पासपोर्ट)

२) आधार ओळखपत्र

३) वाहन चालविण्याचा परवाना (ड्रायव्हिंग लायसन्स)

४) आयकर विभागाकडील पॅन ओळखपत्र (पॅन कार्ड)

५) केंद्र शासन / राज्य शासन / सार्वजनिक उपक्रम / स्थानिक स्वराज्य संस्था यांनी आपल्या कर्मचाऱयांना छायाचित्र (फोटो) सह दिलेली ओळखपत्रे

६) राष्ट्रीयकृत बँका अथवा टपाल खात्‍यामधील खातेदाराचे छायाचित्र (फोटो) असलेले पासबूक

७) सक्षम प्राधिकाऱयाने छायाचित्रासह दिलेला दिव्यांग (अपंगत्वाचा) दाखला

८) राष्ट्रीय ग्रामीण रोजगार हमी योजनेखालील छायाचित्र असलेले ओळखपत्र (मनरेगा जॉब कार्ड)

९) निवृत्त कर्मचाऱयांची अथवा त्यांच्या विधवा / अवलंबित व्यक्तींची फोटो असलेली निवृत्ती वेतन विषयक कागदपत्रे (उदा. पासबूक, प्रमाणपत्र इ.)

१०) लोकसभा / राज्यसभा सचिवालय तसेच विधानसभा / विधानपरिषद सचिवालय यांनी आपल्या सदस्यांना दिलेले अधिकृत ओळखपत्र

११) स्वातंत्र्य सैनिकाचे छायाचित्र असलेले ओळखपत्र

१२) केंद्र शासनाच्या श्रम मंत्रालयाने दिलेले आरोग्य विमा योजनेचे छायाचित्रासह कार्ड