कलम ३७० रद्द केल्यानंतर बिथरलेल्या पाकिस्तानने भारतीय उच्चायुक्तांना दिला होता ७२ तासांचा अल्टिमेटम! अजय बिसारियांनी सांगितला अनुभव

मुंबई : (Article 370) पाकिस्तानमधील माजी भारतीय उच्चायुक्त अजय बिसारिया यांनी कलम ३७० रद्द केल्यानंतर पाकिस्तानातून अचानक हकालपट्टी आणि ७२ तासांत तिथून बाहेर पडण्याचा अनुभव सांगणारा एक लेख शेअर केला आहे. भारत सरकारने ५ ऑगस्ट २०१९ ला जम्मू-काश्मीरला विशेष राज्याचा दर्जा देणारे कलम ३७० रद्द केले होते. कलम ३७० रद्द करण्याच्या काही तास आधी पाकिस्तानातील परिस्थितीचे वर्णन बिसारिया यांनी या लेखात केले आहे. ( Article 370)

 

बैठकीनंतर, पाकिस्तानने एक अधिकृत घोषणापत्र जारी केले. ७ ऑगस्ट २०१९ रोजी पाकिस्तानच्या संसदेत जोरदार चर्चा झाली आणि परराष्ट्र मंत्री शाह महमूद कुरेशी यांनी राजनैतिक संबंध ताणले जाण्याचे संकेत दिले. भारतीय उच्चायुक्तालयाला हाय अलर्टवर ठेवण्यात आले होते आणि कर्मचारी कपातीपासून ते मिशन बंद करण्यापर्यंतच्या प्रत्येक संभाव्य परिस्थितीसाठी तयारी करण्यात आली होती. शेवटी, पाकिस्तानने उच्चायुक्तांना परत बोलाविण्यासाठी भारताकडे विनंती केली आणि अजय बिसारिया यांना ७२ तासांच्या आत देश सोडण्यास सांगितले. त्यांनी सांगितले की, त्यांची रवानगी कोणत्याही औपचारिक समारंभाविना झाली.