बेडेकर सदनात रंगणार भक्तीरसाचा अनुपम्य सोहळा !
29-Aug-2025
Total Views |
मुंबई, लोकमान्य टिळकांच्या पदस्पर्शाने पावन झालेल्या बेडेकर सदन चाळीमध्ये, यंदाच्या वर्षी भाविकांना गणेशोत्सवानिमित्त भक्तिरसाचा अनुपम्य सोहळा अनुभवायाला मिळणार आहे. दि. ३० ऑगस्ट रोजी रात्री ९ वाजता अभंग Repost या कार्यक्रमाचे आयोजन करण्यात आले आहे. बेडेकर सदन, मुघबट, गिरगाव येथील अंगणात हा कार्यक्रम पार पडणार आहे.
लोकमान्य गणेश सार्वजनिक मंडळाच्या माध्यामतून मागची १२५ वर्ष सामाजिक, सांस्कृतिक कार्यक्रमांचे आयोजन करीत आहे. या कार्यक्रमांच्या माध्यमातून समाजप्रबोधन तथा सांस्कृतिक एकता निर्माण करणे हा उद्देश आहे. अभंग रिपोस्ट या संगीत मंडळींच्या माध्यमातून पारंपरिक अभंगांना आधुनिक संगीताची जोड दिली जाते. भक्तीरसात न्हालेल्या त्यांच्या सादरीकरणात संत तुकाराम, संत नामदेव, संत एकनाथ यांचे अभंग आधुनिक वाद्यांच्या साथीने सादर केले जातात.
मुकुल आव्हाड
मुंबईच्या डी.जी. रुपारेल महाविद्यालयातून इतिहास आणि राज्यशास्त्र विषयात पदवी प्राप्त.
राज्यशास्त्र विषयात पदव्युत्तर शिक्षण. आकाशवाणीच्या युवा वाणी साठी विविध विषयांवर कार्यक्रम सादर केले.वाचनाची आवड. कथाकथन, काव्य वाचन,कथा लेखन यात विशेष रुची तसेच पुरस्कार प्राप्त. महाविद्यालयात असताना, नाटकात काम केले त्याच सोबत नाट्यलेखनाचा अनुभव.