मूल दत्तक घेण्याचे स्वप्न आता सिंधुदुर्गातच होणार पूर्ण : कोकण संस्थेला मिळाली मान्यता

सिंधुदुर्ग : सिंधुदुर्ग महिला आणि बाल विकास मंत्रालय, भारत सरकार आणि महिला व बालविकास विभाग महाराष्ट्र सरकार अंतर्गत विशेष दत्तक संस्था म्हणून कोकण कला व शिक्षण विकास संस्था, सिंधदुर्ग यांना आज मान्यता मिळाली. कोकण संस्था गेली १३ वर्षे मुलांच्या शैक्षणिक, आरोग्य, जडणघडण आणि संगोपन या विषयावर राष्ट्रीय पातळीवर काम करते आहे. आणि याच अनुभवामुळे आणि निस्वार्थ कामामुळे कोकण कला व शिक्षण विकास संस्थेला विनाअनुदानित तत्वावर ही मान्यता मिळालेली आहे. कोकण संस्थेला मिळालेली मान्यतेमुळे सिंधुदुर्ग जिल्ह्यातील दत्तक घेऊ इच्छिणार्‍या जोडप्यांना काराची प्रक्रिया, पात्रता, सर्व कागदपत्रे, भावनिक तयारी आणि कायदेशीर आवश्यकतांबद्दल योग्य ते मार्गदशन मिळणार आहे.े. त्यामुळे इच्छुक जोडप्यांना लांब पल्याचा प्रवास आता करावा लागणार नसून आपल्या स्थानिक भाषेत सर्व माहिती देण्यासाठी कोकण संस्था संवाद साधणार आहे.

सगळ्यात महत्वाचे म्हणजे कोकण संस्था आता कायदेशीररित्या अनाथ मुलांना सरकारच्या नियमाधीन राहून दत्तक देऊ शकतात, त्यामुळे मूल नसलेल्या इच्छुक जोडप्यांना आता पालक होण्याची संधी निर्माण झाली आहे.विशेष दत्तक संस्था म्हणून मान्यता मिळवण्यासाठी जिल्हा बाल संरक्षण कक्ष सिंधदुर्ग जिल्हा यांचे विशेष सहकार्य लाभले.