मदरशातील विद्यार्थ्यांवर अत्याचार करणाऱ्या हाफिजच्या पोलिसांनी मुसक्या आवळल्या

मुंबई : उत्तर प्रदेशातील बरेली जिल्ह्यात मदरशातील विद्यार्थ्यांवर अत्याचार करणाऱ्या हाफिज नबी हसनला अटक करण्यात आली आहे. हाफिज हा 'हैदरी दल २५' चा संस्थापक आहे. तो बराच काळ मदरशाच्या विद्यार्थ्याचे शोषण करत होता. पोलिसांनी त्याच्या मोबाईलमधून ३०-४० अश्लील व्हिडिओ आणि फोटो जप्त केले आहेत.

मिळालेल्या वृत्तानुसार, हाफिज नबी हा बरेलीच्या फरीदपूर भागातील रहिवासी आहे. त्याच्याबद्दल अनेक धक्कादायक खुलासे समोर आले आहेत. त्याचा 'हैदरी दल २५' हा गट पार्कमध्ये मैत्रिणींसोबत फिरणाऱ्या मुलींचे व्हिडिओ बनवून ते व्हायरल करायचा. बकरी ईदच्या दिवसापासून चर्चेत असलेल्या हैदरी गटाविरुद्ध पोलिस पथके सतत कारवाई करत आहेत. अलिकडेच, या ग्रुपच्या अकाउंटवरून अनेक प्रक्षोभक पोस्ट देखील करण्यात आल्या. त्यावेळी पोलिसांनी दोन आरोपींना अटक करून तुरुंगात टाकले, पण त्यानंतरही व्हिडिओ व्हायरल होण्याचे प्रमाण थांबले नाही.

पोलिसांनी रचलेल्या सापळ्यात जेव्हा नबी हसनला अटक करण्यात आली, त्यानंतर हैदरी दलाच्या नावाखाली सुरू असलेल्या बेकायदेशीर कारवाया उघडकीस आल्या. झीशान स्वतः फरीदपूर पोलिस स्टेशनला पोहोचला आणि आरोपी नबी हसनविरुद्ध तक्रार दाखल केल्याचे सांगण्यात येत आहे.