मिठी नदी घोटाळ्याबाबत अभिनेता डिनो मोरियाची चौकशी
26-May-2025
Total Views |
मुंबई: मिठी नदी घोटाळ्याप्रकरणी मुंबई पोलिसांच्या आर्थिक गुन्हे शाखेने सोमवार, दि. २६ मे रोजी अभिनेता डिनो मोरिया याची चौकशी केली. सकाळी ११ वाजता तो आर्थिक गुन्हे शाखेच्या कार्यालयात हजर झाला. या प्रकरणात याआधी त्याचा भाऊ सँटिनो मोरिया याचीही चौकशी करण्यात आली आहे.
मिठी नदी स्वच्छता घोटाळ्यात आतापर्यंत १३ जणांविरुद्ध गुन्हा दाखल करून अटक करण्यात आली आहे. या प्रकरणातील मुख्य आरोपी केतन कदम याने अभिनेता डिनो मोरिया आणि त्याच्या भावाशी फोनवरून अनेकदा संभाषण केल्याचे समोर आल्यामुळे डिनो याला चौकशीसाठी समन्स बजावण्यात आले. या तिघांमध्ये आर्थिक व्यवहार झाल्याचा संशय असल्यामुळे त्यांचे कॉल रेकॉर्डिंग तपासले जाणार असल्याची माहिती एका वरिष्ठ अधिकाऱ्याने दिली.
सुहास शेलार
'दै. मुंबई तरुण भारत'मध्ये 'मंत्रालय प्रतिनिधी' म्हणून कार्यरत. मुंबई विद्यापीठातून पत्रकारितेचे पदव्युत्तर शिक्षण. गेल्या आठ वर्षांपासून पत्रकारिता क्षेत्रात कार्यरत. महाराष्ट्राचे राजकारण आणि त्यासंबंधीच्या वृत्तांकनामध्ये विशेष रस. २०१४, २०१९ आणि २०२४ सालच्या लोकसभा आणि विधानसभा निवडणुकांचे वार्तांकन. २०१८ साली राजस्थानमध्ये झालेल्या विधानसभा निवडणुकीच्या प्रत्यक्ष वार्तांकनाचा अनुभव.