गडचिरोली जिल्ह्यात गारपिटीसह अवकाळी पाऊस

08-Apr-2025

Total Views | 19

unseasonal rain with hailstorm in gadchiroli

गडचिरोली : (Gadchiroli Unseasonal Rain) राज्यात उन्हाचा तडाखा वाढला असून अनेक ठिकाणी तापमानाचा पारा चाळीशीपार गेलेला आहे. तर दुसरीकडे काही शहरांना अवकाळीचा फटका बसला आहे. अशातच आता गडचिरोली जिल्ह्यातील सीमावर्ती भागात गारांसह अवकाळी पाऊस झाला आहे.

दरम्यान, गडचिरोलीतील सीमावर्ती भागात गारपिटीसह अवकाळी पाऊस पडल्याने नागरिकांची चांगलीच तारांबळ उडाली. या अवकाळी पावसामुळे शेती पिकांचे मोठ्या प्रमाणावर नुकसान झाले आहे. तर काही ठिकाणी वादळी वाऱ्यामुळे घरांचे देखील मोठ्या प्रमाणावर नुकसान झाले आहे. या अवकाळी पावसामुळे शेतकरी वर्गाचे अतोनात नुकसान होत आहे. दरम्यान या पावसामुळे उकाडा असलेल्या ठिकाणी नागरिकांना गारवा निर्माण झाल्याने अनेक नागरिक सुखावले आहेत.

हवामान विभागाने दिलेल्या माहितीच्या पार्श्वभूमीवर, शेतकऱ्यांनी विशेष खबरदारी घेण्याच्या सूचना दिल्या आहेत. तसेच विदर्भात पुढील काही दिवस ढगाळ वातावरण आणि अवकाळी पावसाची शक्यता वर्तवण्यात येत आहे. चंद्रपूर, भंडारा, वर्धा यांसारख्या विदर्भातील इतर जिल्ह्यांमध्ये देखील अवकाळी पाऊस आणि गारपिटीची शक्यता आहे.

Gadchiroli Unseasonal Rain Maharashtra Weather Update Gadchiroli Weather Heatwave

अनिशा डुंबरे

https://www.mahamtb.com/authors/Anisha_Dumbre.html

मुंबईतील पाटकर-वर्दे महाविद्यालयातून अर्थशास्त्र विषयातत पदवी. सध्या दै. मुंबई तरुण भारत मध्ये वेब उपसंपादक पदावर कार्यरत. लिखाण, वाचन आणि निवेदनाची विशेष आवड. मराठी साहित्य, इतिहास, राजकारण, आणि मनोरंजन विषयांत रस. महाविद्यालयीन काळात वक्तृत्व, कथाकथन, काव्यवाचन स्पर्धांमध्ये सहभाग आणि पारितोषिके.\