मध्य प्रदेशात हनुमान जयंती मिरवणुकीत जमावाकडून हिंदूंवर दगडफेक, नऊ जण पोलिसांच्या ताब्यात

भोपाळ : मध्यप्रदेशातील गुना शहरातील हनुमान जयंतीनिमित्त (Hanuman Jayanti) काढण्यात आलेल्या मिरवणुकीवर दगडफेक करण्यात आली. याप्रकरणात संबंधित पोलिसांनी नऊ जणांना अटक केली होती. यावर अधिकाऱ्यांनी रविवारी १३ एप्रिल २०२५ रोजी माहिती दिली आहे. यावर अधिकाऱ्यांनी सांगितले की, ही घटना कर्नलगंज येथील असणाऱ्या मशिदीसमोर घडली. सायंकाळी ७ वाजून ४५ मिनिटांनी दोन्ही गट एकमेकांसमोर आले. यावेळी अधिकाऱ्यांनी परिस्थिती नियंत्रणात आणण्यासाठी ते घटनास्थळी दाखल झाले. अधिकाऱ्यांनी सांगितले की, घटनास्थळी सध्या शांततेचे वातावरण आहे.

अतिरिक्त पोलीस अधीक्षक मान सिंह ठाकुरने सांगितले की, पोलिसांनी अन्य आरोपींची माहिती मिळवत त्याच्या मुसक्या आवळल्या आहेत. मिरवणूक मशि‍दीच्या समोरून जात असताना कट्टरपंथीयांनी दगडफेक केली. गुनाचे जिल्हाधिकारी किशोर कन्यालने सांगितले की, दोन्ही गटांमध्ये समजोता झाला नसल्याने दोन्ही गट समोरासमोर आले आणि त्यांनी दगडफेक केली.

त्यांनी सांगितले की, हनुमान जयंती दिवशी मिरवणूक काढण्याची परवानगी दिली जात नव्हती. कार्यक्रमाच्या आयोजक असणाऱ्यांमध्ये एकाने सांगितले की, याबाबत कोणतीही परवानगी देण्यात आली नव्हती. त्यांनी दावा केला की, ज्यावेळी लोकांनी जय श्रीराम अशा घोषणाबाजी केल्या त्यावेळी काहींनी दगडफेक करत अल्लाहू अकबरच्या घोषणा दिल्या होत्या.

पोलीस अधीक्षक संजीव सिन्हा यांनी सांगितले की, शनिवारी रात्री ७ वाजून ४५ मिनिटांदरम्यान जमावाने मिरवणुकीवर दगडफेक केली. त्यांनी सांगितले की, टेकरी धाम येथे तैनात असलेले पोलीस दल घटनास्थळी दाखल झाले. स्थानिक नगरसेवकाने तक्रार दाखल केली त्याआधारे गुन्दा दाखल करण्यात आला, अशी माहिती अधिकाऱ्यांनी दिली आहे. ज्यात १५ ते २० जण अज्ञातांचा यामध्ये समावेश आहे.