व्हॅलेंटाईन्सनिमित्त येणार हटके लव्हस्टोरी ‘रुबाब’, टीझर प्रदर्शित
Total Views |
मुंबई : मराठी प्रेक्षकांच्या बदलत्या आवडी आणि नव्या विचारसरणीचा वेध घेत झी स्टुडिओज सातत्याने वेगळ्या धाटणीचे प्रयोग करताना दिसत आहे. सामाजिक आशयघन कथा, भावनिक कौटुंबिक विषय आणि मनोरंजनप्रधान चित्रपटांची भक्कम परंपरा जपत आता झी स्टुडिओज एका स्टायलिश आणि रुबाबदार प्रेमकहाणीसह प्रेक्षकांच्या भेटीला येत आहे. ‘रुबाब’ या आगामी मराठी चित्रपटाचा टीझर नुकताच प्रदर्शित झाला असून, पहिल्याच झलकित प्रेक्षकांची उत्सुकता वाढली आहे. ‘तुझ्यासारखी नको… तूच पाहिजे’ ही टॅगलाईन विशेष लक्ष वेधून घेत आहे.
टीझरमधून एका डॅशिंग आणि आत्मविश्वासाने भरलेल्या नायकाची ओळख करून दिली जाते, ज्याच्या आयुष्यात त्याची ड्रीम गर्ल येते. मात्र ही कथा पारंपरिक गोडगुलाबी प्रेमकहाणीपुरती मर्यादित न राहता, प्रेमाला रुबाब, स्वॅग आणि ठामपणा देणारी असल्याचं स्पष्ट होतं. स्वतःचे नियम स्वतः ठरवणारा आणि प्रेमासाठी कोणतीही किंमत मोजायला तयार असलेला हा नायक प्रेक्षकांना नक्कीच भावेल, असा अंदाज व्यक्त केला जात आहे.
स्टायलिश सादरीकरण, भावनांचा समतोल आणि तरुणाईला भिडणारी मांडणी हे ‘रुबाब’चे प्रमुख आकर्षण ठरणार असल्याचं टीझरवरून दिसून येतं. प्रेमकहाणीला डॅशिंग टच देत आधुनिक विचारसरणी मांडणारा हा चित्रपट तरुण प्रेक्षकांमध्ये विशेष लोकप्रिय ठरेल, अशी अपेक्षा व्यक्त केली जात आहे.
दिग्दर्शक शेखर बापू रणखांबे म्हणतात, “ ‘रुबाब’ हा चित्रपट स्वतःचा ठाम आवाज असलेल्या तरुणाईची कथा आहे. आजच्या पिढीचे प्रेम प्रामाणिक असते मात्र त्यात एक स्वॅग असतो. तोच रुबाब आम्ही या चित्रपटात दाखवण्याचा प्रयत्न केला आहे.” झी स्टुडिओजचे व्यवसाय प्रमुख बवेश जनावलेकर म्हणतात, “मराठी प्रेक्षक सतत नवीन, फ्रेश आणि स्टायलिश आशयाची अपेक्षा ठेवतात. ‘रुबाब’मध्ये एक दमदार प्रेमकहाणी आहे, जी आजच्या तरुणाईच्या अॅटिट्यूडशी जोडलेली आहे. ‘रुबाब’ हा चित्रपट मनोरंजनासोबतच तरुणाईची ऊर्जा आणि भावना मोठ्या पडद्यावर प्रभावीपणे मांडतो. ही केवळ रोमँटिक लव्हस्टोरी नाही, तर प्रेमासाठी उभे राहाण्याची, स्वतःच्या तत्वांवर जगण्याची आणि भावनांना निर्भीडपणे व्यक्त करण्याची गोष्ट आहे.”
झी स्टुडिओज प्रस्तुत आणि झणकर फिल्म्स निर्मित ‘रुबाब’ या चित्रपटाचे लेखन व दिग्दर्शन शेखर बापू रणखांबे यांनी केले असून संजय झणकर आणि गौरी झणकर निर्माते आहेत तर उमेश कुमार बन्सल आणि बवेश जानवलेकर प्रस्तुतकर्ता आहेत. या चित्रपटात संभाजी ससाणे व शितल पाटील प्रमुख भूमिकेत दिसणार आहेत. येत्या ६ फेब्रुवारीपासून हा चित्रपट प्रदर्शित होणार आहे.
टीझरमधून एका डॅशिंग आणि आत्मविश्वासाने भरलेल्या नायकाची ओळख करून दिली जाते, ज्याच्या आयुष्यात त्याची ड्रीम गर्ल येते. मात्र ही कथा पारंपरिक गोडगुलाबी प्रेमकहाणीपुरती मर्यादित न राहता, प्रेमाला रुबाब, स्वॅग आणि ठामपणा देणारी असल्याचं स्पष्ट होतं. स्वतःचे नियम स्वतः ठरवणारा आणि प्रेमासाठी कोणतीही किंमत मोजायला तयार असलेला हा नायक प्रेक्षकांना नक्कीच भावेल, असा अंदाज व्यक्त केला जात आहे.
स्टायलिश सादरीकरण, भावनांचा समतोल आणि तरुणाईला भिडणारी मांडणी हे ‘रुबाब’चे प्रमुख आकर्षण ठरणार असल्याचं टीझरवरून दिसून येतं. प्रेमकहाणीला डॅशिंग टच देत आधुनिक विचारसरणी मांडणारा हा चित्रपट तरुण प्रेक्षकांमध्ये विशेष लोकप्रिय ठरेल, अशी अपेक्षा व्यक्त केली जात आहे.
दिग्दर्शक शेखर बापू रणखांबे म्हणतात, “ ‘रुबाब’ हा चित्रपट स्वतःचा ठाम आवाज असलेल्या तरुणाईची कथा आहे. आजच्या पिढीचे प्रेम प्रामाणिक असते मात्र त्यात एक स्वॅग असतो. तोच रुबाब आम्ही या चित्रपटात दाखवण्याचा प्रयत्न केला आहे.” झी स्टुडिओजचे व्यवसाय प्रमुख बवेश जनावलेकर म्हणतात, “मराठी प्रेक्षक सतत नवीन, फ्रेश आणि स्टायलिश आशयाची अपेक्षा ठेवतात. ‘रुबाब’मध्ये एक दमदार प्रेमकहाणी आहे, जी आजच्या तरुणाईच्या अॅटिट्यूडशी जोडलेली आहे. ‘रुबाब’ हा चित्रपट मनोरंजनासोबतच तरुणाईची ऊर्जा आणि भावना मोठ्या पडद्यावर प्रभावीपणे मांडतो. ही केवळ रोमँटिक लव्हस्टोरी नाही, तर प्रेमासाठी उभे राहाण्याची, स्वतःच्या तत्वांवर जगण्याची आणि भावनांना निर्भीडपणे व्यक्त करण्याची गोष्ट आहे.”
झी स्टुडिओज प्रस्तुत आणि झणकर फिल्म्स निर्मित ‘रुबाब’ या चित्रपटाचे लेखन व दिग्दर्शन शेखर बापू रणखांबे यांनी केले असून संजय झणकर आणि गौरी झणकर निर्माते आहेत तर उमेश कुमार बन्सल आणि बवेश जानवलेकर प्रस्तुतकर्ता आहेत. या चित्रपटात संभाजी ससाणे व शितल पाटील प्रमुख भूमिकेत दिसणार आहेत. येत्या ६ फेब्रुवारीपासून हा चित्रपट प्रदर्शित होणार आहे.