Nitin Gadkari : महाराष्ट्रात दीड लाख कोटी रुपयांची रस्त्यांची कामे मंजूर

 

नागपूर : (Nitin Gadkari)‘येत्या नवीन वर्षभरामध्ये राज्यात दीड लाख कोटींची कामे मंजूर करण्यात आली आहे. यातील ५० हजार कोटींची कामे सार्वजनिक बांधकाम विभागाला देण्यात येणार आहेत,’ अशी माहिती केंद्रीय मंत्री नितीन गडकरी (Nitin Gadkari) यांनी शनिवार,दि.१३ रोजी विधानभवन परिसरात प्रसारमाध्यमांच्या प्रतिनिधींशी बोलताना दिली. यावेळी गडकरी यांनी राज्यातील विविध महत्त्वाच्या प्रकल्पांविषयी माहिती दिली आहे.(Nitin Gadkari)

 

नागपूर-काटोल सेक्शन हा नऊ किलोमीटरचा मार्ग, काटोल बायपास, जाम बायपास, २ हजार कोटींचा नागपूर-भंडारा सहापदरी मार्ग मंजूर करण्यात आला आहे. मराठवाड्यातील चाळीसगाव ते छत्रपती संभाजीनगरदरम्यान २ हजार ८०० कोटींचा नवीन मार्ग तयार होईल. १,०७४ कोटींचा तळोदा ते शहादा चारपदरी मार्ग, १ हजार २४५ कोटींचा तळोदा ते यावल चारपदरी मार्ग, तळोदा ते रावेरपर्यंत १४०० कोटींचा मार्ग होणार आहे. याव्यतिरिक्त सीआरएफ आणि अॅन्युअल प्लानमध्ये ६० हजार कोटींच्या कामांना मंजुरी दिली आहे. त्यातील २० हजार कोटींची कामे प्रगतीपथावर आहेत, असेही नितीन गडकरी म्हणाले.(Nitin Gadkari)

 

केंद्रीय मंत्री नितीन गडकरी (Nitin Gadkari) यांच्या मंत्रालयांतर्गत राज्यात होणाऱ्या विविध विकासकार्यांबाबत अधिक सांगताना ते म्हणाले, (Nitin Gadkari) ‘पुणे-छत्रपती संभाजीनगर असा १६ हजार ३१८ कोटींचा नवीन एक्स्प्रेस वे बांधण्यात येणार आहे. या मार्गामुळे पुणे ते छत्रपती संभाजीनगर दोन तासांत आणि छत्रपती संभाजीनगरहून नागपूर अडीच ते पावणे तीन तासात येता येईल. तळेगाव-चाकण-शिक्रापूर एलिव्हेटेड प्रकल्पांतर्गत खाली रस्ता, त्याच्यावरती दोन उड्डाणपूल आणि त्यावर मेट्रो असा चार स्तरावरील ४ हजार २०७ कोटींचा प्रकल्प असणार आहे. निविदा प्रक्रिया पूर्ण झाली आहे. लवकरच याचे भूमिपूजन होईल'.(Nitin Gadkari)

 

पुढे ते म्हणाले, "हडपसर ते यवत हा एलिव्हेटेड स्वरूपाचा ५ हजार २६२ कोटींचा प्रकल्प होणार आहे. डेव्हलपमेंट ऑफ कळंबोळी हा प्रकल्प ७७० कोटींचा आहे. ही सर्व कामे एमएसआयडीसीला दिली आहेत. याशिवाय, एनएचएआयला काही प्रकल्प देण्यात आली आहेत. नाशिक फाटा ते खेड हा मार्ग दोन टप्प्यांमध्ये होणार आहे. याचे ९३ टक्के भूसंपादन झाले आहे. वेस्टर्ली बायपासून पुणे-सातारा हा जो रोड आहे, याचा नवीन डीपीआर तयार करण्यात येणार आहे. जवळपास ५० हजार कोटींची कामे एकट्या पुणे जिल्ह्यासाठी मंजूर करण्यात आली आहे. ही सर्व कामे येत्या तीन महिन्यांत सुरू होतील," असा दावा गडकरी यांनी केला.(Nitin Gadkari)