सर्व वस्त्यांमध्ये होणार संविधान गौरव

 

 

भारतरत्न डॉ. बाबासाहेब आंबेडकरांनी संविधानात आपल्या परंपरा, संस्कृती आणि भारतभूमीचा आत्मा अंतर्भूत केला आहे. गेल्या ७५ वर्षांत, विशेषतः गेल्या ११ वर्षांत, पंतप्रधान नरेंद्र मोदी यांच्या नेतृत्वाखाली भारताने साधलेली प्रगती ही महान संविधानानेच शय झाली आहे. विविध भाषा, धर्म, जाती असतानाही एकसंध भारत हा संविधानामुळेच साधला आहे. अशा महान संविधानाला आणि डॉ. बाबासाहेब आंबेडकरांना कोटी कोटी अभिवादन.

 

मुंबई भाजप संपूर्ण शहरात ‘वस्तिशः संविधान गौरव’ साजरा करणार आहे. संविधानातील मूल्यांची जाणीव सर्व घटकांमध्ये करून देणे आणि समाजातील शेवटच्या व्यक्तींची सेवा करणे, हे आमचे उद्दिष्ट आहे. लोककल्याणकारी उपक्रम राबवून लोकांचा विश्वास मिळवणे, हेच आमचे ध्येय आहे. संविधानातील मूल्ये फक्त कागदोपत्री नसून, प्रत्येक उपक्रमातून समाजाला जाणवली पाहिजेत आणि मुंबई भाजप हेच साधत आहे. मुख्यमंत्री देवेंद्र फडणवीस यांच्या मार्गदर्शनाखाली समाजातील शेवटच्या घटकांपर्यंत सेवा पोहोचवण्यासाठी भाजप महायुती सरकार नेहमीच प्रयत्नशील आहे. गेल्या ११ वर्षांत मुंबईकरांनी दिलेली साथ आम्हाला विश्वास देते. मुंबईच्या सर्व घटकांच्या विकासासाठी आम्ही झटत राहणार आहोत. विकासाचे प्रयत्न सर्व स्तरांवर लोकांच्या अनुभवातून जाणवावेत, यासाठी सरकार सर्व योजनांची प्रत्यक्ष अंमलबजावणी करत आहे.

 

 

१९७५ साली आणीबाणी आणून संविधानाचा अपमान करणार्‍या काँग्रेससारख्या पक्षांकडून आजही ‘फेक नॅरेटिव्ह’ पसरवले जाते. पण समाजाने याची दखल घेतली आहे. नुकत्याच झालेल्या निवडणुकीत जनतेने पंतप्रधान नरेंद्र मोदी यांच्यावर विश्वास ठेवला आहे. मुंबईतही जनता ‘फेक नॅरेटिव्ह’ उखडून फेकेल. संविधानाविरोधी प्रचाराला जनतेनेच उत्तर दिले आहे.

 

हा विशेषांक कौतुकाचा आहे. समाजातील वंचित, शोषित आणि शेवटच्या घटकासाठी काम करण्याचे उद्दिष्ट आणि बाबासाहेबांचे ध्येय या संविधानात अधोरेखित आहे. राष्ट्रीय स्वयंसेवक संघ या मूल्यांना कृतीतून राबवत आहे. दै. ‘मुंबई तरुण भारत’ने हे सर्व प्रयत्न या विशेषांकातून जगासमोर मांडले आहेत. यासाठी त्यांचे अभिनंदन आणि आभार. यामुळे समाजात संविधानाचे महत्त्व अधोरेखित होण्यासाठी मदत होईल.