Chandrashekhar Bawankule : राज्यभर ईएसआयसी रुग्णालयांसाठी सरकारी जमिनी 'विनामूल्य' मिळणार;
महसूल मंत्री चंद्रशेखर बावनकुळे यांचा निर्णय
21-Nov-2025
Total Views |
_202511211936225310_H@@IGHT_350_W@@IDTH_696.jpg "Chandrashekhar Bawankule")
मुंबई : (Chandrashekhar Bawankule) राज्यात उभारल्या जाणाऱ्या कर्मचारी राज्य विमा महामंडळाच्या (ईएसआयसी) रुग्णालयांसाठी सरकारी जमीन 'महसूल मुक्त' आणि 'सारा माफी'ने मोफत दिली जाणार आहे. मुख्यमंत्री देवेंद्र फडणवीस यांच्या सूचनेवरून महसूलमंत्री चंद्रशेखर बावनकुळे (Chandrashekhar Bawankule) यांनी हा निर्णय घेतला महसूल विभागाने याबाबतचा शासन निर्णय जारी केला. यामुळे राज्यात आरोग्य सुविधांचे जाळे अधिक बळकट होईल आणि सामान्य कामगाराला मोठा दिलासा मिळणार आहे.(Chandrashekhar Bawankule)
छ.संभाजीनगरमध्ये २०० खाटांचे रुग्णालय
छत्रपती संभाजीनगर जिल्ह्यातील करोडी येथील १५ एकर गायरान जमीन २०० खाटांच्या कर्मचारी राज्य विमा महामंडळाच्या (ईएसआयसी) रुग्णालयासाठी मोफत देण्याचा निर्णय राज्य मंत्रिमंडळाने जून २०२५ मध्ये घेतला होता. त्याच धर्तीवर आता राज्यात जिथे जिथे ईएसआयसी रुग्णालये प्रस्तावित आहेत, तिथे हाच नियम लागू करून सरकारी जमीन उपलब्ध असल्यास विनामूल्य दिली जाईल, असे स्पष्ट केले आहे.(Chandrashekhar Bawankule)
हेही वाचा : Asiatic Society Elections : एशियाटिकच्या निवडणूकीवर संशायाचे ढग कायम!
निर्णयाचे स्वरूप आणि जमिनीचे निकष
मागणी केलेल्या जमिनीचे बाजारमूल्य १ कोटी रुपयांपर्यंत असल्यास विभागाच्या स्तरावर निर्णय घेतला जाईल. जमिनीचे मूल्य १ कोटींपेक्षा जास्त असल्यास वित्त विभागाच्या सहमतीने जमीन मोफत दिली जाईल. या जमिनीचा ताबा हा 'भोगवटादार वर्ग-२' म्हणून राहील.(Chandrashekhar Bawankule)
रुग्णालयांसाठी किती जमीन मिळणार?
रुग्णालयाच्या खाटांच्या क्षमतेनुसार जमिनीचे क्षेत्रफळ निश्चित करण्यात आले आहे. एफ.एस.आय १.५ किंवा २.० च्या उपलब्धतेनुसार हे प्रमाण असेल. ५०० खाटांच्या रुग्णालयासाठी ८ ते १२ एकर जमीन, ३०० खाटांच्या रुग्णालयांसाठी ६ ते ९ एकर जमीन, २०० खाटांच्या रुग्णालयासाठी ५ ते ७ एकर जमीन तर, १०० खाटांच्या रुग्णालयांसाठी ३ ते ५ एकर जमीन मिळणार आहे.(Chandrashekhar Bawankule)
"कामगारांच्या आरोग्याची काळजी घेणे सरकारचे कर्तव्य आहे. अनेकदा जमिनीच्या किमतीमुळे किंवा उपलब्धतेमुळे रुग्णालयांची उभारणी रखडते. हे टाळण्यासाठी आणि कामगारांना त्यांच्या घराजवळच उच्च दर्जाचे उपचार मिळावेत, यासाठी आम्ही ईएसआयसी रुग्णालयांना मोफत जमीन देण्याचा निर्णय घेतला."(Chandrashekhar Bawankule)
- चंद्रशेखर बावनकुळे, महसूलमंत्री
अवंती भोयर
विज्ञान शाखेतील पदवीनंतर भारतीय जनसंचार संस्थान (IIMC) अमरावतीतून पत्रकारितेचे पदव्युत्तर शिक्षण. 'दै. मुंबई तरुण भारत'मध्ये वेब उपसंपादक या पदावर कार्यरत. शेती, साहित्य, राजकारण या विषयात विशेष रस. हस्तकला, संगीत आणि कविता लेखनाचा छंद....