अवघ्या सहा दिवसांत सात कोटी भाविकांचे 'संगम स्नान'

मुंबई (विशेष प्रतिनिधी) : (Mahakumbh Pavitra Snan Update) उत्तर प्रदेशच्या प्रयागराज येथे दि. १३ जानेवारीपासून अध्यात्माचा भव्य महोत्सव 'महाकुंभ'ला सुरुवात झाली. देश विदेशातून मोठ्या संख्येने भाविक महाकुंभात आले असून त्रिवेणी संगमात स्नान करण्याता अनुभव घेत आहेत. महाकुंभच्या पहिल्या दिवशी साधारण एक कोटीहून अधिक भाविकांना स्नान केल्याची माहिती होती. त्यानंतर मकर संक्रांतीच्या दिवशी नागा साधूंसह साधारण ३.५० कोटी भाविकांनी पहिले अमृत स्नान केले. मिळालेल्या माहितीनुसार, महाकुंभ सुरु झाल्यापासून दि. १६ जानेवारीपर्यंत अवघ्या सहा दिवसांत तब्बल सात कोटींहून अधिक लोकांनी संगम आणि इतर घाटांवर पवित्र स्नान केले आहे. तरी महाकुंभात ४५ कोटींहून अधिक लोक पवित्र स्नान करतील असा अंदाज आहे.

हे वाचलंत का? : प्लास्टिकमुक्त समाज घडवण्यासाठी एकत्र या!

महाकुंभाच्या पहिल्या दिवशी पौष पौर्णिमानिमित्त १.७० कोटी लोकांनी स्नान केल्याची विक्रमी नोंद झाली होती. दुसऱ्या दिवशी, मकरसंक्रांती अमृतस्नानानिमित्त ३.५० कोटी लोकांनी अमृत स्नान केल्याची नोंद आहे. अशाप्रकारे महाकुंभाच्या पहिल्या दोन दिवसांत ५.२० कोटींहून अधिक लोकांनी श्रद्धेने स्नान केले. याशिवाय १५ जानेवारीला महाकुंभाच्या तिसऱ्या दिवशी ४० लाख लोकांनी स्नान केले. गुरुवारीही ३० लाखांहून अधिक लोकांनी संगमात पवित्र स्नान केले. हा महाकुंभ संपूर्ण जगाला एकता, सौहार्द आणि मानवतेचा मोठा संदेश देत आहे.