कोण आहेत वंचितचे पहिल्या यादीतील ११ उमेदवार?

 

 

मुंबई : विधानसभा निवडणूकीसाठी एकीकडे महायूती आणि महाविकास आघाडीचे जागावाटप सुरु असताना आता वंचित बहुजन आघाडीने उमेदवारांची पहिली यादी जाहीर केली आहे. वंचितचे अध्यक्ष प्रकाश आंबेडकर यांनी शनिवारी पत्रकार परिषद घेत विधानसभेच्या ११ उमेदवारांची यादी जाहीर केली.

 

 

रावेर - शमिभा पाटील

सिंदखेड राजा - सविता मुंढे

वाशिम - मेघा किरण डोंगरे

धामणगाव रेल्वे - नीलेश विश्वकर्मा

नागपूर दक्षिण पश्चिम - विनय भांगे

साकोली - डॉ. अविनाश न्हाणे

नांदेड दक्षिण - फारुख अहमद

लोहा - शिवा नारंगळे

औरंगाबाद पूर्व - विकास रावसाहेब दांडगे

शेवगाव - किसन चव्हाण

खानापूर - संग्राम कृष्णा माने

 

तसेच आम्ही लवकरच निवडणूकीच्या आधी वंचित बहुजन आघाडीचा जाहीरनामा काढणार असल्याचेही प्रकाश आंबेडकरांनी सांगितले. तिसऱ्या आघाडीबाबत बोलताना ते म्हणाले की, "राजू शेट्टींना आम्ही सांगितलं की, वामनराव चटप राजुरामधून लढतात आणि गोंडवाना पार्टी देखील राजूरा मतदारसंघातून लढते. मागच्यावेळी गोंडवाना पार्टीच्या उमेदवाराला ४२ हजार मतं मिळाली आहेत. त्यामुळे वामनराव चटप जर दुसऱ्या मतदारसंघातून लढणार असतील तर आम्हाला विचार करता येईल. महाराष्ट्राच्या पक्षांबद्दल बोलण्यापेक्षा आपण प्रादेशिक पक्षांबद्दल बोललो तर बरं होईल, असं आम्ही राजू शेट्टींना सांगितलं. पश्चिम महाराष्ट्रात त्यांना किती जागा हव्यात याची लिस्ट त्यांनी आम्हाला दिलेली आहे. बच्चू कडूंबरोबर आमचं जमू शकत नाही. हेसुद्धा आम्ही त्यांना सांगितलं," अशी माहिती त्यांनी दिली.