ईद-ए-मिलादला जिहाद्यांचा उन्माद; मंदिरावर दगडफेक, घरात सुतळी बॉम्ब, फडकवले पॅलेस्टिनी झेंडे

मुंबई (विशेष प्रतिनिधी) : (Stone pelting on Eid-e-Milad) ईद-ए-मिलादच्या दिवशी निघालेल्या जुलूसवेळी काही जिहाद्यांनी हिंदू मंदिरे आणि घरांवर हल्ले केल्याची घटना मध्य प्रदेशात घडली आहे. स्थानिक अहवालांनुसार जिहाद्यांनी श्योपूरमधील सीताराम मंदिर परिसरातून जाताना इस्लामिक घोषणा दिल्या आणि हिंदू रहिवाशांच्या घरांमध्ये फटाकेही फोडले. तर मांडला येथे त्यांनी पॅलेस्टिनी झेंडे फडकावले आहेत.

हे वाचलंत का? : ईद-ए-मिलादच्या जुलूसवेळी इस्लामिक कट्टरपंथींकडून सरदार पटेलांचा अपमान

मध्य प्रदेश पोलिसांनी याप्रकरणी हल्ले करणाऱ्या आणि पॅलेस्टाईनचे झेंडे फडकवणाऱ्या जिहाद्यांविरोधात एफआयआर नोंदवले आहेत. पोलिसांनी दिलेल्या माहितीनुसार, फरदीन नावाच्या तरुणाला पॅलेस्टाईनचा झेंडा फडकवल्याबाबत अटक करण्यात आली आहे. रतलाम आणि बालाघाटमध्ये जिहाद्यांनी पॅलेस्टाईनचे झेंडे फडकवण्याचे प्रकार घडले आहेत. स्थानिक वृत्तानुसार, त्यांनी पॅलेस्टाईनच्या समर्थनार्थ घोषणाही दिल्या व हिंदू मंदिरांवर दगडफेकही केली. याप्रकरणी बालाघाट पोलिसांनी साकीब नावाच्या व्यक्तीला अटक केली आहे.

मंदसौरमध्ये भगवान बालाजी मंदिर परिसरातून ईदची मिरवणूक जात असताना इस्लामवाद्यांनी घोषणाबाजी करत मंदिरावर दगडफेक केल्याने वातावरण चिघळले होते. या घटनेमुळे जिल्ह्यात जातीय तणाव निर्माण झाला आणि त्यामुळे बाजारपेठा बंद करण्यात आल्या होत्या. दगडफेकीच्या निषेधार्थ अनेक हिंदू मंदिराच्या आवारात जमले होते. दरम्यान पोलिसांनी घटनेची दखल घेत संतप्त जमावावर नियंत्रण मिळवण्याचा प्रयत्न केला.