‘मंकीपॉक्स’बाबत प्रवाशांना चाचणी अनिवार्य
Total Views |
बंगळुरू : (MPOX) देशात ‘मंकीपॉक्स’चा पहिला रुग्ण मिळाल्यानंतर बंगळुरु विमानतळावर ‘हाय अॅलर्ट’ जारी केला आहे. केम्पेगौडा आंतरराष्ट्रीय विमानतळावर सर्व प्रवाशांचे चाचणी अनिवार्य करण्यात आली आहे. राज्यात ‘मंकीपॉक्स’ पसरण्यापासून रोखण्यासाठी ‘आयसोलेशन प्रोटोकॉल’चे कठोरपणे पालन करत दररोज दोन हजार प्रवाशांची चाचणी केली जात आहे. काही दिवसांपूर्वी दिल्लीत देशातील पहिला ‘मंकीपॉक्स’चा रुग्ण आढळला होता. केम्पेगौडा आंतरराष्ट्रीय विमानतळावर चाचणीसाठी चार ‘डेडीकेटेड कियॉस्क’ लावले होते. परदेशातून येणार्या प्रत्येक प्रवाशाला त्यातून जावे लागते. येथे ‘मंकीपॉक्स’ची चाचणी केली जात आहे आणि कोणत्याही प्रवाशाला सूट दिली जाणार नाही. आंततराष्ट्रीय प्रवाशांना ‘आयसोलेशन प्रोटोकॉल’चे पालन करणे गरजेचे आहे. ‘बंगळुरु आंतरराष्ट्रीय विमानतळ लिमीटेड’चे प्रवक्ते म्हणाले की, “केम्पेगौडा आंतरराष्ट्रीय विमानतळ आरोग्य आणि सुरक्षेबाबतचे नियमांचे काटेकोरपणे पालन केले जात आहे.”