म्हाडा मुंबई मंडळातर्फे २०३० घरांच्या विक्रीसाठी जाहिरात

 

मुंबई ( Mhada Lottery 2024 ) : महाराष्ट्र गृहनिर्माण व क्षेत्रविकास प्राधिकरणाचा (म्हाडा) विभागीय घटक असलेल्या मुंबई मंडळातर्फे मुंबईतील २०३० घरांसाठी सोडत जाहीर करण्यात आली आहे. उद्या शुक्रवार, दि.९ ऑगस्ट रोजी दुपारी १२ वाजेपासून ऑनलाइन अर्ज प्रक्रियेला सुरुवात होणार आहे.

 

पहाडी गोरेगाव, अँटॉप हिल-वडाळा, कोपरी पवई, कन्नमवार नगर-विक्रोळी, शिवधाम कॉम्प्लेक्स-मालाड इ. गृहनिर्माण प्रकल्पामधील विविध उत्पन्न गटातील २०३० सदनिकांच्या विक्रीसाठी सोडत जाहीर करण्यात आली असून ऑनलाईन अर्ज नोंदणी व अर्ज भरणा प्रक्रियेला शुक्रवार दि. ०९ ऑगस्ट रोजी दुपारी १२ वाजेपासून प्रारंभ होणार आहे. या सोडतीची माहिती म्हाडाच्या https://housing.mhada.gov.in या संकेतस्थळावर प्रसिद्ध करण्यात येणार असून सदनिका सोडतीबाबत माहिती देणारी पुस्तिका या संकेतस्थळावर उपलब्ध करून देण्यात येणार आहे. ( Mhada Lottery 2024 )

 

सोडतीसाठी ऑनलाईन अर्ज नोंदणी व अर्ज भरण्याच्या प्रक्रियेला 'म्हाडा'चे उपाध्यक्ष तथा मुख्य कार्यकारी अधिकारी संजीव जयस्वाल यांच्या शुभहस्ते शुक्रवार, दि. ०९ ऑगस्ट रोजी 'गो लाईव्ह' समारंभाद्वारे प्रारंभ केला जाणार आहे. यानंतर सोडतीसाठी ऑनलाईन अर्ज नोंदणी करण्याची लिंक मंडळाद्वारे दुपारी १२ वाजेपासून उपलब्ध राहील. तसेच नोंदणीकृत अर्जदार देखील ऑनलाईन अर्ज करू शकणार आहेत. ( Mhada Lottery 2024 ) 

 

ऑनलाईन अर्ज सादर मुदत दि. ०४ सप्टेंबर दुपारी ०३ वाजेपर्यंत

ऑनलाईन अनामत रकमेची स्विकृती दिनांक ०४ सप्टेंबर रात्री ११.५९ वाजेपर्यंत

प्रारूप यादी दि.९ सप्टेंबर सायं.६ वाजेपर्यंत

दावे व हरकती दाखल करण्यासाठी दि.९ सप्टेंबर दुपारी १२ वाजेपर्यंत

स्वीकृत अर्जाच्या अंतिम यादीची प्रसिद्धी दि. ११ सप्टेंबर रोजी सायं. ६ वाजेपर्यंत

संगणकीय सोडत दिनांक १३ सप्टेंबर सकाळी ११

अत्यल्प उत्पन्न गट। ३५९

अल्प उत्पन्न गटासाठी ६२७

मध्यम उत्पन्न गटासाठी ७६८

उच्च उत्पन्न गटासाठी २७६

 

या सोडतीत म्हाडाच्या मुंबई मंडळाने बांधलेल्या १३२७ सदनिका, विकास नियंत्रण नियमावली ३३ (५), ३३ (७) व ५८ अंतर्गत पुनर्विकास प्रकल्पातून विकासकांकडून गृहसाठा म्हणून म्हाडाला प्राप्त ३७० सदनिका (नवीन व मागील सोडतीतील सदनिका) व मागील सोडतीतील विविध वसाहतीतील विखुरलेल्या ३३३ सदनिकांचा समावेश आहे.

 

अत्यल्प उत्पन्न गट : सहा लाखापर्यंत

अल्प उत्पन्न गट : नऊ लाखापर्यंत

मध्यम उत्पन्न गट : बारा लाखापर्यंत

उच्च उत्पन्न गट : बारा लाखांहून अधिक वार्षिक कौटुंबिक उत्पन्न असणार्‍यांचा समावेश असणार असून या गटासाठी कमाल
मर्यादा ठेवण्यात आलेली नाही.

 अत्यल्प उत्पन्न गटातील व्यक्ती अत्यल्प व अल्प उत्पन्न गटासाठी अर्ज करू शकतात. अल्प उत्पन्न गटातील व्यक्ती अल्प व मध्यम उत्पन्न गटासाठी अर्ज करू शकतात. मध्यम उत्पन्न गटातील व्यक्ती मध्यम व उच्च उत्पन्न गटासाठी अर्ज करू शकतात. उच्च उत्पन्न गटातील व्यक्ती केवळ उच्च उत्पन्न गटासाठी अर्ज करू शकतात.