बांगलादेशात सत्तेची सुत्रे लष्कराच्या हाती, अंतरिम सरकारची स्थापना होणार, शेख हसीना भारतातून लंडनला जाणार

 

 

 

 

 

 

बांग्लादेशमध्ये होत असलेल्या हिंसाचारामुळे शेख हसीना यांनी देश सोडला. हेलिकॉप्टर मार्गे त्या सुरुवातीला भारतात त्रिपुरा येथे दाखल झाल्या. तिथून त्या दिल्लीला जाणार असल्याची माहिती आहे. दिल्लीहून त्या लंडनला जाणार असल्याची सुत्रांची माहिती आहे. देश सोडण्यापूर्वी त्यांना एक भाषण रेकॉर्ड करायचे होते. मात्र, अराजकता इतकी वाढली होती की, त्यांना यासाठी वेळच मिळालेला नाही. इस्लामी कट्टरपंथी झुंड त्यांच्या घराकडे कूच करत होती. याच भितीने त्यांना देश सोडावा लागला. त्यांनी भारताच्या पूर्वेकडील आगरतळा या ठिकाणी आश्रय घेतला होता. त्यानंतर त्या दिल्लीमार्गे लंडनला जाणार असल्याची चर्चा आहे.

आरक्षणाच्या नावावर सुरू झालेल्या हिंसाचारात एकूण चार लाखांहून अधिक लोक रस्त्यांवर उतरले आहेत. त्यात एकूण तिनशे लोकांचा मृत्यू झाल्याची भीती आहे. तसेच जखमींची संख्या हजारांच्या वर आहे. रविवारी इस्लामी कट्टरपंथींनी भडकविलेल्या हिंसाचारात १३ पोलीसांना झुंडीने मारले. आत्तापर्यंत १० दशलक्ष डॉलरपर्यंत अर्थव्यवस्थेचे नुकसान झाले आहे. शेख हसीनांच्या राजीनाम्यापूर्वी संपूर्ण देशभरात कर्फ्यू लागला होता. ज्यावेळी अंतरिम सरकार स्थापन झाले त्यावेळी हिंसाचार बंदी उठवण्यात आली आहे. सेनाप्रमुखांनी ही बंदी उठवली आहे.