"माझा करेक्ट कार्यक्रम फक्त..."; छगन भुजबळांचं जरांगेंना चोख प्रत्युत्तर

14-Aug-2024

Total Views | 78

नाशिक : माझा करेक्ट कार्यक्रम फक्त परमेश्वर करु शकतो, असं चोख प्रत्युत्तर मंत्री छगन भुजबळांनी मनोज जरांगेंना दिलं आहे. जरांगेंनी नाशिकमध्ये भुजबळांचा कार्यक्रम करणार, असा इशारा दिला होता. यावर आता भुजबळांनी प्रत्तुत्तर दिले.

"यावेळी तुमच्या येवल्याचं नाव पवित्र होणार आहे. येवल्याला लागलेला डाग धुतला म्हणून समजा. तुम्ही काळजी करू नका, त्यांचा कार्यक्रमच करतो. जो जो मराठ्यांच्या विरोधात येईळ त्याचा कार्यक्रम झालाच म्हणून समजा. मग तो महाराष्ट्रातला कुणीही असू द्या," असा इशारा मनोज जरांगेंनी छगन भुजबळांना दिला होता.

हे वाचलंत का? - "काळजी करू नका! जो मराठ्यांच्या विरोधात येईल त्याचा..."; जरांगेंचा भुजबळांना इशारा

याबद्दल छगन भुजबळांना विचारले असता ते म्हणाले की, "माझा करेक्ट कार्यक्रम फक्त वरचा परमेश्वर करु शकतो. दुसरं कुणीही करु शकत नाही." दरम्यान, मनोज जरांगेंनी विधानसभेच्या २८८ जागांवर उमेदवार देण्याची घोषणा केली आहे. तसेच सरकारने आपल्या मागण्या पूर्ण केल्या नाही तर येत्या २९ तारखेला याबाबत निर्णय घेणार असल्याचेही त्यांनी म्हटले आहे.