काँग्रेसशासित कर्नाटकमध्ये भ्रष्टाचाराचा कळस; अनुसूचित जातीच्या विकासनिधीतून दारू आणि महागड्या गाड्यांची खरेदी
Total Views |
बंगळुरू : कर्नाटकातील वाल्मिकी कॉर्पोरेशन घोटाळ्यातील पैसा लोकसभा निवडणुकीत दारू आणि वाहन खरेदीसाठी वापरला गेला, असा खुलासा ईडीने बुधवार, दि. १७ जुलै २०२४ केला. या प्रकरणी ईडीने काँग्रेसचे आमदार आणि राज्याचे माजी कॅबिनेट मंत्री बी नागेंद्र यांना अटक केली आहे. नागेंद्र यांना दि. १८ जुलैपर्यंत ईडीची कोठडी सुनावण्यात आली आहे.
इंडियन एक्सप्रेसच्या वृत्तानुसार, ईडीने म्हटले आहे की आमदार बी नागेंद्र यांच्याशी संबंधित लोक "फंड डायव्हर्जन आणि कॅश मॅनेजमेंट" मध्ये गुंतले आहेत. ईडीने दावा केला आहे की “सुमारे ९० कोटी रुपये (वाल्मिकी निगम निधीतून) आंध्र प्रदेश आणि तेलंगणामधील १८ बनावट खात्यांमध्ये पाठवले गेले. वळवलेला निधी नंतर बनावट खात्यांद्वारे वितरित केला गेला. या पैशाचा वापर लोकसभा निवडणुकीदरम्यान मोठ्या प्रमाणात दारू खरेदी आणि वाहने खरेदी करण्यासाठी करण्यात आला.
दरम्यान, ईडीच्या अधिकाऱ्यांनी माजी मंत्री बी नागेंद्र यांची पत्नी मंजुळा यांना शहरातील डॉलर्स कॉलनी येथील निवासस्थानातून बेंगळुरूच्या शांतीनगर येथील ईडी कार्यालयात नेले. तेथे बराच वेळ मंजुळा यांची चौकशी करण्यात आली. ईडीने गेल्या गुरुवारी (१२ जुलै २०२४) कर्नाटक काँग्रेसचे आमदार बी नागेंद्र यांना अटक केली होती. त्याच्या घरावर दोन दिवसांच्या छाप्यानंतर त्यांना अटक करण्यात आली.
बी नागेंद्र यांनी जून महिन्यात सिद्धरामय्या सरकारमधील मंत्रिपदाचा राजीनामा दिला होता. सिद्धरामय्या सरकारमध्ये ते अनुसूचित जमाती कल्याण मंत्री होते. कर्नाटक महर्षी वाल्मिकी अनुसूचित जमाती कल्याण विकास महामंडळ (KMVSTDC) मध्ये कोट्यावधी रुपयांच्या घोटाळ्यात त्यांचे नाव समोर आल्यानंतर त्यांनी हा राजीनामा दिला होता.
महर्षि वाल्मिकी फंड घोटाळा ज्यामध्ये बी नागेंद्र जी यांना अटक करण्यात आली आहे त्याची सीबीआय, ईडी आणि राज्य सरकारची एसआयटी चौकशी करत आहे. हे संपूर्ण प्रकरण अंदाजे ९५ कोटी सरकारी पैशांचा गैरवापर आणि ते वेगवेगळ्या खात्यांमध्ये हस्तांतरित करण्याशी संबंधित आहे.