सोने चांदीत घसरण कायम ! ' इतक्या ' रुपयांनी घसरण

 

 

मुंबई: युएस बाजारातील फेडरल रिझर्व्ह व्याजदरात संमिश्र प्रतिक्रिया आल्याने सीपीआय (Consumer Price Index) आकडेवारी आल्यानंतर व युएस डॉलरमध्ये घसरण होताना आंतरराष्ट्रीय स्तरावरील सोन्याच्या व चांदीच्या दरात घसरण झाली आहे.

 

युएस गोल्ड स्पॉट दरात दुपारपर्यंत ०.१६ टक्क्यांनी घसरण झाली आहे. युएस गोल्ड फ्युचर निर्देशांकात ०.१५ टक्क्यांनी घसरण झाली आहे. एमसीएक्सवरील सोने निर्देशांकात ०.०६ टक्क्यांनी घसरण होत सोने ७१४२४.०० पातळीवर पोहोचले आहे. भारतातील सराफा बाजारात २२ व २४ कॅरेट सोन्याच्या दरात अनुक्रमे २५० व २३० रूपयांनी घसरण झाली आहे. मुंबईतील २२ कॅरेट सोन्याच्या प्रति १० ग्रॅम दरात २५० रुपयांनी घसरण होत सोने ६६००० रुपयांवर पोहोचले आहे तर २४ कॅरेट सोन्याच्या प्रति १० ग्रॅम दरात २३० रुपयांनी घसरण होत सोने ७२००० रुपयांवर पोहोचले आहे.

 

सोन्याच्या दराविषयी प्रतिक्रिया देताना कोटक सिक्युरिटीजचे एव्हीपी कमोडिटी रिसर्च कायनात चैनवाला म्हणाले, ' COMEX सोन्याच्या किमती मंगळवारी घसरल्या, कारण फेड स्टेटमेंट्सने ग्रीनबॅकला चालना दिली आणि बाजाराच्या भावनांवर तोलला. फेडरल रिझर्व्हच्या गव्हर्नर मिशेल बोमन यांनी सांगितले की त्यांना महागाईच्या दृष्टीकोनातून अनेक वरचे धोके दिसत आहेत आणि काही काळासाठी कर्ज घेण्याच्या खर्चात वाढ ठेवण्याची गरज असल्याचे पुन्हा सांगितले.

 

वाढलेला भौगोलिक-राजकीय तणाव आणि दक्षिणेकडील लेबनॉनवर इस्रायली आक्रमणाची शक्यता यामुळे काही उशी उपलब्ध झाली. यूएस मधील S&P CoreLogic Case-Shiller २०-शहर घरांच्या किंमत निर्देशांकात एप्रिल २०२४ मध्ये ७.२ % वाढ झाली आहे, मार्च मधील वरच्या सुधारित ७.५ % वाढीपासून कमी झाली आहे, परंतु ६.९ % च्या अंदाजापेक्षा जास्त आहे. भविष्यातील संभाव्य दर कपातीच्या अधिक संकेतांसाठी फेडच्या पसंतीच्या PCE किंमत निर्देशांकाकडे लक्ष वळत आहे.'

 

 

चांदीच्या किंमतीतही घसरण झाली आहे. एमसीएक्सवरील चांदी निर्देशांकात दुपारपर्यंत ०.४० टक्क्यांनी वाढ झाली असून चांदीचे प्रति किलो दर ८७०३१ रुपयांवर पोहोचले आहेत. तर भारतातील चांदीच्या दरात १००० रुपयांनी घसरण झाली आहे. मुंबईतील चांदीच्या दरात १००० रुपयांनी घसरत किंमत ९०००० रुपयांवर पोहोचली आहे.