अल्पवयीन मुलीवर बलात्कार, पीडितेला व्हिडिओ व्हायरल करण्याची धमकी; आरोपी रिझवान आणि मुमताजला अटक

 

 

लखनौ : उत्तर प्रदेशातील आग्रा जिल्ह्यात एका अल्पवयीन मुलीचा आक्षेपार्ह व्हिडिओ बनवून तिच्यावर ६ महिने बलात्कार केल्याची घटना समोर आली आहे. रिजवान असे मुख्य आरोपीचे नाव आहे. रिझवानने अल्पवयीन मुलीला त्याच्या मित्रांसोबत संबंध ठेवण्यास भाग पाडले. तसेच पीडितेला घरातील कामे करायला लावली. पोलिसांनी दोन आरोपींना ताब्यात घेऊन चौकशी सुरू केली आहे. शनिवार, दि. २५ मे २०२४ दिलेल्या या तक्रारीत आरोपी मुमताजची आई आणि आणखी एका तरुणाचीही नावे आहेत.

 

मीडिया रिपोर्ट्सनुसार, ही घटना आग्रा येथील सदर बाजार पोलीस स्टेशन परिसरात घडली. येथे शनिवारी १७ वर्षीय अल्पवयीन पीडितेच्या काकूने पोलिसांत तक्रार दाखल केली. पीडितेने तक्रारीत म्हटले आहे की, सहा महिन्यांपूर्वी तिच्या नितीन नावाच्या मित्राने तिला भेटायला बोलावले होते. दोघेही रेल्वेच्या बंद क्वार्टरमध्ये भेटले. यादरम्यान नितीनने पीडितेचे कपडे काढून तिचा विनयभंग केला. शेजारी राहणाऱ्या रिझवान खानने गुपचूप आपल्या मोबाईलवर या घटनेचा व्हिडिओ बनवला. त्यानंतर हा व्हिडिओ दाखवून रिझवानने पीडितेला ब्लॅकमेल करण्यास सुरुवात केली.

 

 

रिजवानने पीडितेला व्हिडिओ व्हायरल करण्याची धमकी देऊन ६ महिन्यांत अनेकवेळा बलात्कार केल्याचा आरोप आहे. तसेच त्याने मुलीला घरातील कामे करण्यास भाग पाडण्यास सुरुवात केली. दि. २२ मे रोजी पीडितेने तिच्या मावशीला तिच्यावर होत असलेल्या अत्याचाराची माहिती दिली. तसेच, पीडितेने रिजवानचे घरचे काम करण्यास नकार दिला. यामुळे रिजवान आणि त्याची आई मुमताज चिडली. पीडित तरुणी तातडीने कामावर न आल्यास व्हिडिओ व्हायरल करण्याची धमकी या दोघांनी दिली.

 

पीडितेची मावशी आरोपीशी बोलण्यासाठी तिच्या घरी गेली. येथे त्याला रिझवान आणि त्याच्या आईकडून जीवे मारण्याच्या धमक्याही आल्या. मुमताजने पीडितेच्या मावशीला ते अश्लील व्हिडिओही दाखवले ज्याद्वारे रिझवान मुलीला ब्लॅकमेल करत होता. रिझवानच्या आईनेही हा व्हिडिओ पीडितेच्या चुलत बहिणीच्या मोबाईलवर फॉरवर्ड केला होता. आरोपींवर कडक कारवाई करण्याची मागणी तक्रारदाराने केली आहे. या घटनेत पोलिसांनी नितीनसह रिजवान आणि मुमताजचीही नावे घेतली आहेत.

 

 हे वाचलंत का? - घरवापसी! १८ वर्ष ख्रिश्चन धर्माचा प्रसार करणाऱ्या पादरींनी केली सनातन धर्मात घरवापसी

 

या सर्वांवर आयपीसीच्या कलम ३७६(२)(एन), ३५४, ३५४-बी, ५०४ तसेच पोक्सो आणि आयटी कायद्यान्वये कारवाई करण्यात आली आहे. मीडिया रिपोर्ट्सनुसार, दोन आरोपींना ताब्यात घेऊन त्यांची चौकशी करण्यात येत आहे. पोलीस या प्रकरणाचा तपास आणि इतर कायदेशीर कारवाई करत आहे.