"औरंगजेब किंवा याकुबचा उदो उदो करण्यापेक्षा रामराम करणं कधीही चांगलं!"
चंद्रशेखर बावनकुळेंचा उद्धव ठाकरेंना टोला
Total Views |
_202404291337443770_H@@IGHT_413_W@@IDTH_696.jpg "Thackeray")
मुंबई : औरंगजेब किंवा याकुबचा उदो उदो करण्यापेक्षा रामराम करणं कधीही चांगलं, असे प्रत्युत्तर भाजप प्रदेशाध्यक्ष चंद्रशेखर बावनकुळेंनी उबाठा प्रमुख उद्धव ठाकरेंना दिले आहे. ठाकरेंनी पंतप्रधान नरेंद्र मोदींवर केलेल्या टीकेवरुन बावनकुळेंनी त्यांचा चांगलाच समाचार घेतला.
चंद्रशेखर बावनकुळे म्हणाले की, "पंतप्रधान नरेंद्र मोदी निवडणुकीत रामराम करत फिरत आहेत अशी टीका उद्धव ठाकरेंनी कोकणात केली. मला त्यांना सांगायचं आहे की, औरंगजेब किंवा याकुबचा उदो उदो करण्यापेक्षा रामराम करणं कधीही चांगलं. हिंदुह्रदयसम्राट वंदनीय बाळासाहेब ठाकरे हिंदुत्ववादी भूमिका घेऊन जगले पण तुम्ही आता राष्ट्रविरोधी विचारांना साथ देत आहात."
हे वाचलंत का? - नाशिकमध्ये शांतिगिरी महाराजांनी शिवसेनेकडून भरला उमेदवारी अर्ज!
"सत्ता गेल्यानंतर तुम्हाला कोकणवासीयांची आठवण झाली. अडीच वर्षे सत्तेच्या काळात कोकणला दमडीही दिली नाही. उलट चांगल्या प्रकल्पांना विरोध केला आणि ही देवभूमी विकासापासून वंचित ठेवली. आता फक्त मतं मिळविण्यासाठी तुम्हाला कोकणची आठवण झाली आहे," असा टोला त्यांनी लगावला.
पंतप्रधान @narendramodi जी निवडणुकीत रामराम करत फिरत आहेत अशी टीका उद्धव ठाकरेंनी कोकणात केली. मला त्यांना सांगायचं आहे की, औरंगजेब किंवा याकुबचा उदो उदो करण्यापेक्षा रामराम करणं कधीही चांगलं.
— Chandrashekhar Bawankule (@cbawankule) April 29, 2024
हिंदुह्रदयसम्राट वंदनीय बाळासाहेब ठाकरे हिंदुत्ववादी भूमिका घेऊन जगले पण तुम्ही आता…
ते पुढे म्हणाले की, "कोकण वादळात सापडलं तेव्हा तुम्ही घरात बसून होते आणि देवेंद्रजी व राणे साहेब कोकणात येऊन लोकांना आधार देत होते. महापूर आला तेव्हा तुमच्या लोकांनी केलेली गुंडगिरी कोकणी माणूस विसरला नाही. मोदीजी आणि नारायण राणेजींच्या प्रयत्नातून कोकणचा विकास होतोय. आता तुम्ही कितीही थापा मारल्या तरी कोकणी माणूस तुमच्या खोट्या भूलथापांना बळी पडणार नाही," असेही ते म्हणाले.