"पुन्हा 'बंद खोलीतील' रडगाणे..."; बावनकुळेंचा ठाकरेंवर हल्लाबोल
Total Views |
मुंबई : हाती धुपाटणे आले म्हणून पुन्हा उद्धव ठाकरेंचे 'बंद खोलीतील' रडगाणे सुरु झाले आहे. उद्धव ठाकरेंनी खोट्या शपथा घेऊन आई तुळजाभवानीचा अपमान करू नये, असा पलटवार भाजप प्रदेशाध्यक्ष चंद्रशेखर बावनकुळेंनी केला आहे. तुळजाभवानीची शपथ घेऊन सांगतो की, भाजपसोबत अडीच अडीच वर्षे मुख्यमंत्री पदाबद्दल ठरलं होतं, असं वक्तव्य उद्धव ठाकरेंनी एका सभेत केलं होतं. यावर आता बावनकुळेंनी प्रत्युत्तर दिले आहे.
चंद्रशेखर बावनकुळे म्हणाले की, "उद्धवजी, शिवसैनिकाला मुख्यमंत्री करू म्हणतच वेळ येताच दगाबाजी करून अविचारी आघाडीच्या मांडीवर बसत मुख्यमंत्रीपद स्वतःच पटकावले. हा सामान्य शिवसैनिकांशी विश्वासघात नाही का? ज्यांनी तुम्हाला भावासारखे प्रेम दिले. त्यांचे तुम्ही फोन घेतले नाहीत. अबोला धरला, दगाबाजी केली. तुम्ही बारामती व दिल्लीसमोर कुर्निंसात करत होते."
हे वाचलंत का? - "राष्ट्रवादी म्हणजे निवडून येणाऱ्या माणसांची बांधलेली मोळी!"
"महाराष्ट्राची कुलस्वामिनी आई तुळजाभवानीची कशाला खोटी शपथ घेता. तुम्हीच दगाबाजी केली. मोदीजी आणि अमित शाह निवडणूक प्रचाराच्या जाहीर सभा घेत होते, तेव्हाच हा खुलासा का केला नाही? कारण, काँग्रेस आणि शरद पवार यांच्याशी तुमच्या गोपनीय चर्चा सुरु होत्या. आम्ही तुमच्यावर विश्वास ठेवून होतो. आता कुलस्वामिनीसमोर शपथ घेता?" असा सवाल त्यांनी केला आहे.
उद्धव ठाकरे , तुम्ही खोट्या शपथा घेऊन आई तुळजाभवानीचा अपमान करू नका@uddhavthackeray जी,
— Chandrashekhar Bawankule (@cbawankule) March 9, 2024
शिवसैनिकाला मुख्यमंत्री करू म्हणतच वेळ येताच दगाबाजी करून अविचारी आघाडीच्या मांडीवर बसत मुख्यमंत्रीपद स्वतःच पटकावले. हा सामान्य शिवसैनिकांशी विश्वासघात नाही का?
ज्यांनी तुम्हाला…
ते पुढे म्हणाले की, "आता तुमचे पद गेले, पक्ष गेला, निशाणी गेली, विश्वासू माणसेही गेली. हिंदुत्व नासवले, स्वातंत्र्यवीर सावरकरांच्या अपमानावर मूग गिळून बसले, सनातन धर्मावर मिंधे झाले. प्रभू श्रीराम प्रतिष्ठापनेत राजकारण आणले. हाती धुपाटणे आले म्हणून पुन्हा 'बंद खोलीतील' रडगाणे सुरु झाले. तुम्ही आमचा विश्वासघात केला, आता किमान देवी देवतांचा विश्वासघात करू नका," असेही बावनकुळे म्हणाले आहेत.