जयराम रमेश यांच्या टीकेला केंद्रीय मंत्र्यांचे जोरदार प्रत्युत्तर, निर्भया निधीचा उल्लेख करत केली पोलखोल!

 

दरम्यान, जयराम रमेश यांनी मोदी सरकारला धारेवर धरण्याचा प्रयत्न केंद्रीय मंत्र्यांनी हाणून पाडला असून केंद्रीय मंत्र्यांनी महिला व बाल विकास मंत्रालयाच्या कामांची माहिती विरोधकांना दिली आहे. २०१४ मध्ये यूपीए सरकारच्या काळात महिलांसाठी विशेष स्थापन करण्यात आलेल्या निर्भया निधीचा एक रुपयाही खर्च करण्यात आला नव्हता, याकडे त्यांनी लक्ष वेधले आहे.

मंत्री इराणी म्हणाल्या की, मोदी सरकारमध्ये निर्भया फंडातून ४० प्रकल्प सुरू करण्यात आले आहेत. यासाठी ७२१५ कोटी रुपयांची तरतूद करण्यात आली आहे, असेही त्यांनी सांगितले. दरम्यान, केंद्रीय मंत्री स्मृती इराणी यांनी काँग्रेस खा. जयराम रमेश यांना चोख प्रत्युत्तर दिले आहे. जयराम रमेश यांनी त्यांच्या मंत्रालयावर टीका करणारी एक दीर्घ पोस्ट लिहिली होती. त्या पोस्टचा समाचार भाजपकडून एनडीए सरकारच्या कामातून घेण्यात आला आहे.