नेटफ्लिक्सने कसली कंबर, १९ नव्या कलाकृतींची केली घोषणा!

 

 

 

मुंबई : करोना काळानंतर प्रेक्षक ओटीटीकडे अधिक वळला. त्याचे एक महत्वाचे कारण म्हणजे ओटीटीवर घरबसल्या प्रेक्षकांना जगभरातील आशय विविध भाषांमध्ये पाहायला मिळतो. सध्या कार्यरत असणाऱ्या अनेक ओटीची वाहिन्यांपैकी नेटफ्लिक्स वाहिनी अधिक प्रेक्षकांना भावते. त्यामुळे प्रेक्षकांसाठी नेटफ्लिक्सने (Netflix) कंबर कसली आहे. खास भारतीय प्रेक्षकांसाठी नेटफ्लिक्सने आगामी चित्रपट आणि वेब सीरिजच्या यादीची घोषणा केली आहे. नेटफ्लिक्सने २९ फेब्रुवारी रोजी तब्बल १९ नव्या प्रोजेक्टची घोषणा केली आहे. यापैकी काही चित्रपट, वेब सीरिज रिलीजच्या तारखा जाहीर देखील करण्यात आल्या आहेत.

 

 

 

नेटफ्लिक्सने जाहिर केलेल्या वेब सीरीजची यादी पुढीलप्रमाणे आहे. यात 'खाकी: द बंगाल चॅप्टर', 'कोटा फॅक्टरी सीझन ३', 'काली काली आंखे सीझन २' आणि 'फॅब्युलस लाईव्हज ऑफ बॉलिवूड वाइव्हज' यांचा समावेश आहे. तसेच, यात डब्बा कार्टेल (Dabba Cartel), मामला लीगल है (Mamla Legal Hai), मिसमॅच (Mismatched), आयसी ८१४ (IC814) आणि मांडला मर्डर्स (Mandala Murders) या वेब मालिकांचा देखील समावेश आहे.

 

आपण हे वाचलंत का? - नेटफ्लिक्सच्या सर्वाधिक पाहिलेल्या कंटेन्टमध्ये भारतीय चित्रपट आणि मालिकांचा समावेश  

 

 

नेटफ्लिक्सवर लवकरच अनेक चित्रपट प्रदर्शित होणार आहेत. यात 'सिकंदर का मुकद्दर', 'फिर आयी हसीन दिलरुबा', 'दो पत्ती', 'विजय ६९', 'महाराज', ‘वाइल्ड वाइल्ड पंजाब’ हे चित्रपट प्रदर्शित होणार आहेत. टेलिव्हिजनवर कपिल शर्माने विनोदी कार्यक्रम करुन प्रेक्षकांना हसवून वेडं केलं आहे. आता पुन्हा एकदा 'द ग्रेड इंडियन कपिल शो' हा शो नेटफ्लिक्सवर येणार आहे. या शोमध्ये सुनील ग्रोव्हर कॉमेडियन म्हणून कमबॅक करत असून बऱ्याच काळानंतर कपिल शर्मा आणि सुनील ग्रोव्हर एकत्र दिसणार आहेत.