गोएंका शाळा प्रकरण : पोलिसांकडून नऊ जणांचे जबाब

ठाण्यातील सी.पी. गोएंका इंटरनॅशनल स्कूल या शाळेतील इयत्ता दुसरीच्या विद्यार्थ्यांची मंगळवारी घाटकोपर येथील एका थीम पार्कमध्ये सहल गेली होती. त्यावेळी सहलीच्या बसचा अटेंडन्ट जावेद खान याने काही विद्यार्थिनीचा विनयभंग केला होता. या प्रकरणी कापूरबावडी पोलिसांनी बस अटेंडन्ट जावेद खान याला अटक करून त्याचा जबाब नोंदविला आहे. गुरुवारी सदर प्रकरणी शाळा व्यवस्थापनाला जबाबदार धरून कारवाईची मागणी पालकांनी आणि राजकीय पक्षाच्या नेत्यांनी केल्यानंतर खाजगी शाळा व्यवस्थापनाने सहा जणांना निलंबित केले. यामध्ये शिक्षिका आणि प्रशासनातील तिघांचा समावेश आहे.