"उध्दव ठाकरेंच्या ओठावर छत्रपती आणि पोटात औरंगजेब!"

मुंबई : उध्दव ठाकरेंच्या ओठावर छत्रपती तर पोटात औरंगजेब आहे. औरंगजेबाच्या कबरीवर फुलं वाहणाऱ्यासोबत सत्ता स्थापन करणाऱ्यांना शिवराय काय कळणार? असा सवाल भाजप नेते डॉ. संजय पांडे यांनी केला आहे. त्यांनी आपल्या 'X' अकाऊंटवर याबाबत एक व्हिडीओ शेअर केला आहे.

 

संजय पांडे म्हणाले की, "एकेकाळी उद्धव ठाकरेंचं महाविकास आघाडीचं सरकार होतं. तेव्हा त्यांनी शिवजयंती साजरी करण्यावर प्रतिबंध आणला होता. त्यामुळे उध्दव ठाकरेंच्या ओठावर छत्रपती आणि पोटात औरंगजेब आहे, हे उभ्या देशाला माहिती पडलं होतं. ते औरंगजेबाच्या कबरीवर फुलं वाहणाऱ्यांच्या मांडीवर जाऊन बसले आणि सत्ता स्थापन केली. मुंबईतील एका उद्यानाला टिपू सुलतानचं नाव द्या असा आग्रह धरणारे उद्धव ठाकरे आहेत. आज संपुर्ण महाराष्ट्राला आणि देशाला कळलं आहे की, यांचं हिंदुत्व म्हणजे बेगडी हिंदुत्व आहे," असे ते म्हणाले.