“अयोध्येत राम मंदिर उभारुन तुम्ही ५०० वर्षांचा इतिहास”, शिल्पा शेट्टीचे पंतप्रधानांसाठी खास पत्र

 

 

मुंबई : अयोध्येत २२ जानेवारी रोजी प्रभू श्रीराम यांच्या मुर्तीची प्राणप्रतिष्ठा झाली. पंतप्रधान नरेंद्र मोदी यांच्या हस्ते हे शुभकार्य संपन्न झाले होते. याबद्दल विविध क्षेत्रातील मान्यवर मंडळींनी पंतप्रधानांवर कौतुकाचा वर्षाव केला. अभिनेत्री शिल्पा शेट्टी हिने देखील पंतप्रधान नरेंद्र मोदी यांना एक पत्र लिहित त्यात, “तुम्ही ५०० वर्षांचा इतिहास बदलला असून कोट्यवधी भारतीयांचे स्वप्न साकार केले आहे, अशा शब्दांत त्यांचे कौतुक केले आहे.

 

शिल्पाने पत्रात लिहिले आहे की,''आदरणीय मोदी जी, काही लोकं इतिहास वाचतात, काही लोकं इतिहासातून शिकतात, परंतु तुमच्यासारखी लोकं इतिहास बदलतात.. तुम्ही राम जन्मभूमिचा पाचशे वर्षांचा इतिहास बदलून दाखवला. मनापासून तुमचे आभार... या शुभकार्यासोबत, प्रभु श्री राम यांच्या नावासोबत, तुमचं नाही कायमचं जोडलं गेलं आहे. नमो राम, जय श्री राम!”

 

 

 

दरम्यान, २२ जानेवारी रोजी कलासृष्टी अयोध्येत रामललाच्या स्वागतासाठी हजर होती. यात अरुण गोविल, सुनील लाहिरी, दीपिका चिखलिया, अमिताभ बच्चन, रजनीकांत, अभिषेक बच्चन, रणबीर कपूर, आलिया भट्ट, विक्की कौशल, कतरिना कैफ, अनुपम खेर, विवेक ओबेरॉय, हेमा मालिनी, रोहित शेट्टी, माधुरी दीक्षित नेने, राजकुमार हिरानी, कैलाश खेर, राम चरण, मनोज जोशी आणि इतर कलाकारांनी आवर्जून उपस्थिती लावली होती.