संसद भवनाच्या गेटवर आंदोलन करण्यास बंदी!

   

सदर निर्देशानंतर संसद भवनाच्या कोणत्याही गेटवर आंदोलन करता येणार नाही. लोकसभा अध्यक्ष कार्यालयाने हे निर्देश जारी करताना संसदेचे पावित्र्य राखण्यासाठी तसेच कामकाज सुरळीत चालण्यासाठी हा निर्णय घेतल्याचे स्पष्ट केले आहे. संसद भवनच्या परिसरात इंडी आघाडीतील नेत्यांनी सत्ताधारी भाजपच्या विरोधात आंदोलन करायाला सुरूवात केली. अशातच भाजपचे वरिष्ठ नेते प्रताप सिंह सारंगी आणि खासदार मुकेश राजपूत यांना राहुल गांधी आणि काँग्रेसच्या नेत्यांकडून धक्काबुक्की करण्यात आली. दोघांना तातडीने रूगणालयात दाखल करण्यात आले. त्यांच्यावर सध्या उपचार सुरू आहेत. पंतप्रधान नरेंद्र मोदी यांनी या दोन्ही खासदारांना फोन करून त्यांच्या प्रकृतीची विचारपूस केली. संसदेबाहेर झालेल्या धक्काबुक्की प्रकरणात राहुल गांधी यांच्या विरोधात भारतीय न्याय संहितेच्या विविध कलमांच्या अंतर्गत गुन्हा दाखल करण्यात आला आहे.