पेटीएमला मोठा दिलासा; मार्गदर्शक तत्वांनुसार नव्या युपीआय युजर्सना एनपीसीआयची मंजूरी!

23-Oct-2024

Total Views | 30

npci gives permission to paytm new upi users

मुंबई : नॅशनल पेमेंट कॉर्पोरेशन ऑफ इंडिया(एनपीसीआय)कडून पेटीएमला मोठा दिलासा मिळाला आहे. एनपीसीआयने नवीन युपीआय वापरकर्ते जोडण्यासाठी एनपीसीआयकडून मंजुरी मिळाली आहे. जारी करण्यात आलेल्या एनपीसीआयच्या सर्व प्रक्रियात्मक मार्गदर्शक तत्त्वांचे पालन करून पेटीएमला मान्यता दिली आहे.

हे वाचलंत का? - भारताच्या जीडीपी वृध्दीचा दर ७ ते ७.२ टक्के राहील; 'डिलॉईट इंडिया'चा अंदाज

दरम्यान, या सर्व पार्श्वभूमीवर पेटीएमकडून बीएसईला फाईलिंग करण्यात आले आहे. या फाईलिंगच्या माध्यमातून दि. २२ ऑक्टोबरला एनपीसीआयने कंपनीला प्रक्रियात्मक मार्गदर्शक तत्त्वांचे पालन करण्याचे आदेश जारी केले आहेत. तसेच, नव्या युपीआय वापरकर्त्यांना जोडण्यासाठी परवानगी दिली आहे, असे पेटीएमने म्हटले आहे.

विशेष म्हणजे यासोबतच कंपनीने एनपीसीआयकडून जारी करण्यात आलेले मंजूरी पत्र देखील जोडले आहे. पत्रानुसार, ही मंजुरी एनपीसीआयद्वारे वेळोवेळी जारी केलेल्या सर्व प्रक्रियात्मक मार्गदर्शक तत्त्वांचे आणि परिपत्रकांचे पालन करण्याच्या अधीन आहे, विशेषत: जोखीम व्यवस्थापन, ॲप आणि 'क्यूआर'साठी ब्रँड मार्गदर्शक तत्त्वे, मल्टी-बँक मार्गदर्शक तत्त्वे, टीपीएपी मार्केट शेअर आणि मार्गदर्शक तत्त्वे आणि परिपत्रके यांचा समावेश आहे.