मुंबई महापालिकेतील ७५० रिक्त पदे भरण्याची मागणी

मुंबई : मुंबई महानगरपालिकेत कनिष्ठ अभियंता (स्थापत्य, यां. व वि.) यांची सुमारे ४०० पदे आणि दुय्यम अभियंता (स्थापत्य, यां. व वि.) यांची सुमारे ३५० पदे अशी एकूण ७५० पदे रिक्त आहेत. सेवानिवृत्ती तसेच पदोन्नतीमुळेदेखील रिक्तन पदात वाढ होत आहे. त्यामुळे पालिकेतील कार्यरत अभियंत्यांवर रिक्त पदांचा अतिरिक्त भार पडत असल्याने त्यांना मानसिक ताणतणावास सामोरे जावे लागत आहे, असा आरोप करत रिक्त पदे तात्काळ भरण्यात यावी अशी मागणी बृहन्मुंबई म्युनिसिपल इंजिनिअर्स युनियनचे कार्याध्यक्ष साईनाथ राजाध्यक्ष आणि सरचिटणीस यशवंत धुरी यांनी मुंबई महानगरपालिका आयुक्त इकबालसिंह चहल यांच्याकडे केली आहे.