ट्रक चालकांच्या संपासंदर्भात मुख्यमंत्री शिंदेंचे जिल्हाधिकाऱ्यांना आदेश!

रस्ते अपघात कमी करण्यासाठी केंद्र सरकारने हिट अँड रन कायदा सुरु केला आहे. या कायद्याअंतर्गत एखादा अपघात झाल्यास वाहनचालक पोलिसांना कुठलीही माहिती न देता फरार झाला तर त्याला १० वर्षांपर्यंत तुरुंगवास होण्याची शक्यता आहे. याशिवाय त्याला सात लाख रुपये दंडदेखील भरावा लागणार आहे. दरम्यान, याविरोधात आता वाहनचालक राज्यभरात संप करत आहेत. मुख्यमंत्री एकनाथ शिंदेंनी या संपाची दखल घेतली असून सर्व जिल्हाधिकाऱ्यांना आदेश दिले आहेत. कुठेही तणाव होणार नाही याची दक्षता घ्या, अशा सुचना त्यांनी दिल्या आहेत. तसेच संपामुळे निर्माण झालेल्या परिस्थितीची माहिती केंद्राला दिली जाणार आहे.