अल्पवयीन मुलीवर चर्चमधील पाद्रीने केला लैंगिक अत्याचार; आरोपी पाद्री पोलिसांच्या ताब्यात
Total Views |
कोची : केरळमधील तिरुअनंतपुरममध्ये चर्चमधील एका पाद्रीने अल्पवयीन मुलीचे लैंगिक शोषण केल्याची धक्कादायक घटना समोर आली आहे. केरळ पोलिसांनी कट्टक्कडाच्या पेंटेकोस्टल चर्चच्या या पाद्रीला शुक्रवारी (१९ जानेवारी २०२४) न्यायालयात हजर केले. येथून आरोपीची न्यायालयीन कोठडीत रवानगी करण्यात आली.
या पाद्रीविरुद्ध पोक्सो (प्रोटेक्शन ऑफ चिल्ड्रन फ्रॉम सेक्शुअल ऑफेन्स) कायद्यान्वये गुन्हा दाखल करण्यात आला आहे. पोलिसांनी दिलेल्या माहितीनुसार, रवींद्रनाथ असे या ५९ वर्षीय पाद्रीचे नाव आहे. आरोपीला ताब्यात घेण्याच्या दोन दिवस आधी १७ जानेवारी २०२४ रोजी ही घटना घडली होती.
घटनेच्या दिवशी मुलीची आजी रुग्णालयात गेली होती. याचा फायदा घेत पाद्रीने मुलीला फूस लावून आपल्या घरी नेले. त्याला घरी नेल्यानंतर पुजाऱ्याने तिला केक खाऊ घातला. त्यानंतर त्याने मोबाईलवर तिचे अश्लील फोटो दाखवले आणि नंतर तिच्यावर लैंगिक अत्याचार केला.