कायदेतज्ञ राहुल गांधींचा जावई शोध! म्हणाले, "महिला आरक्षण आजपासूनच..."

नवी दिल्ली : महिला आरक्षण विधेयकाबाबत काँग्रेस खासदार राहुल गांधी यांनी केंद्रातील मोदी सरकारवर टीका केली आहे. सरकारने विधेयकाची अंमलबजावणी करायचीच असेल तर आताच करावी, त्यासाठी सीमांकन कशासाठी? महिला आरक्षण विधेयकाची आजपासूनच अंमलबजावणी होऊ शकते, असे राहुल गांधी म्हणाले.

 

काँग्रेस नेते राहुल गांधी म्हणाले, “हे विशेष अधिवेशन का बोलावले जात आहे हे आधी कळले नाही, नंतर महिला आरक्षणासाठी बोलावल्याचे कळले. महिला आरक्षण ही चांगली गोष्ट आहे पण त्यात दोन कमतरता आहेत. प्रथम, आरक्षण लागू करण्यापूर्वी आपल्याला जनगणना आणि सीमांकन करावे लागेल आणि या दोन्ही गोष्टी करण्यासाठी बरीच वर्षे लागतील. तर सत्य हे आहे की आज महिला आरक्षण विधेयक लागू केले जाऊ शकते."

 

ते पुढे म्हणाले, "लोकसभा आणि विधानसभेत महिलांना ३३ टक्के जागा दिल्या जाऊ शकतात. पण सरकारला तसे करायचे नाही. सरकारने विधेयक मंजूर केले आहे, पण प्रत्यक्षात त्याची अंमलबजावणी १० वर्षांनी होणार आहे आणि ती आहे. ते घडेल की होणार नाही हे देखील माहित नाही."

 

दरम्यान ओबीसींना आरक्षण देण्याची मागणी करताना राहुल गांधी म्हणाले, “पंतप्रधान म्हणतात की ते ओबीसींसाठी खूप काम करत आहेत. ते या लोकांसाठी इतकं काम करत असले तर ९० पैकी तीनच लोक ओबीसी समाजातील का? भारताच्या बजेटच्या फक्त ५ टक्के भाग ओबीसींवर आहे. भारतातील ओबीसी लोकसंख्या ५ टक्के आहे का असा प्रश्न मी संसदेत विचारला असता त्यांनी उत्तर दिले की लोकसभेत आमचे प्रतिनिधी आहेत, पण याचा त्याचा काय संबंध?, असा सवाल राहुल गांधी केली.

 

पण काल संसदेत भाजप अध्यक्ष जे.पी.नड्डा म्हणाले की, राहुल गांधींनी महिला आरक्षणात ओबीसी आरक्षण लागू करण्याची मागणी केली. पण तुम्ही ओबीसींबद्दल बोलता पण ओबीसी समाजाला शिव्या देता आणि माफीही मागत नाही त्याचं काय? अशी टीका करत राहुल गांधींचे बेगड्या ओबीसी प्रेमांची नड्डांनी जाहिर रित्या चिरफाड केली.