‘भारतीय चित्रपटाचा बायोपिक’, राजामौलींनी केली आगामी चित्रपटाची घोषणा

 

 

 

 

मुंबई : एसएस राजामौली यांनी यावर्षीच्या सर्वात मोठ्या प्रकल्पाची घोषणा नुकतीच केली आहे. १९ सप्टेंबर अर्थात गणेश चतुर्थीच्या मुहूर्तावर ही घोषणा करण्यात आली असून ते एक बायोपिक प्रेक्षकांसमोर घेऊन येणार आहेत. महत्वाचे म्हणजे हा बायोपिक कोणत्या व्यक्तीचा नसून भारतीय चित्रपटाचा हा चरित्रपट असून या चरित्रत्रपटाचे नाव ‘मेड इन इंडिया’ असे आहे.

राजमौली याचे दिग्दर्शन करणार नसून ते या चित्रपटात निर्माते व प्रेझेंटर म्हणून भूमिका निभावणार असून या चित्रपटाचे दिग्दर्शन नितीन कक्कर करणार आहेत. याबद्दल एक ट्वीट करत एसएस राजामौली म्हणाले, “जेव्हा मी पहिल्यांदा ही कथा ऐकली तेव्हाच मला ती प्रचंड आवडली. बायोपिक बनवणं अवघड आहे, पान भारतीय चित्रपटाच्या जनकावर बायोपिक बनवणं ही त्याहून अधिक आव्हानात्मक आहे.”

 

हा चित्रपट जरी भारतीय चित्रपटाचा बायोपिक असला तरी ‘भारतीय चित्रपटांचे जनक’ म्हणजेच दादासाहेब फाळके यांच्यावर बेतलेला असेल असे राजामौली यांनी स्पष्ट केले आहे. भारतात कशाप्रकारे चित्रपट बनवण्याची एक फॅक्टरी दादासाहेब फाळके यांनी सुरू केली तो संपूर्ण प्रवास आपल्याला या चरित्रत्रपटाच्या माध्यमातून पाहायला मिळू शकतो. दरम्यान, ‘मेड इन इंडिया’ या चित्रपटात कोणते कलाकार असणार हे अद्याप गुलदस्त्यात आहे. परंतु, एसएस राजामौली यांचे नाव या बायोपिकशी जोडल्यामुळे नक्कीच हा बिग बजेट चित्रपट असणार यात शंका नाही.