‘अखंड भारत संकल्प दिना’निमित्त व्याख्यानाचे आयोजन

मुंबई : रा. स्व. संघ नेताजी सुभाषचंद्र बोस नगर माधव संस्कार केंद्र यांच्यामार्फत ‘अखंड भारत संकल्प दिना’निमित्त व्याख्यानाचे आयोजन करण्यात येते. गेली 20 वर्षे ही परंपरा सुरू आहे. सोमवार, दि. 14 ऑगस्ट रोजी अंधेरी येथील यंदाच्या कार्यक्रमात वक्ते म्हणून पांडुरंग बलकवडे यांनी मार्गदर्शन केले. यावेळी व्यासपीठावर सहार भागचे भाग संघचालक श्री रवीजी नथानी उपस्थित होते.

केंद्राचे कार्यकर्ते प्रसाद मोर्जे यांनी या कार्यक्रमाबद्दल सांगितले की, “केंद्र नेहेमीच सामाजिक जागृतीपर उपक्रम राबवत असते. अनेक वर्षे सातत्याने सेवा उपक्रमही सुरू आहे. 1947च्या स्वातंत्र्यासोबत झालेली देशाची फाळणी, हे हिंदुस्थानच्या स्वातंत्र्याला लागलेले गालबोटच आहे. खरा इतिहास लोकांसमोर यावा, फाळणी झाली म्हणजे नेमके काय झाले, मूठभर मीठ उचलून स्वातंत्र्य मिळालेलं नाही, तर रक्ताचे पाट वाहावे लागले. त्यानंतर हे स्वातंत्र्य मिळवता आले. हा खरा इतिहास नवीन पिढीला समजावा, याच हेतूने दरवर्षी आम्ही व्याख्यांनाचे आयोजन करतो.” कार्यक्रम यशस्वी करण्यासाठी समीर नागवेकर, दीप राणे, वैभव कदम, देवेश मसुरेकर, योगेश कोकाटे, अक्षय जैतापकर यांनी खूप परिश्रम केले.