अजित पवारांसह नऊ जणांना कोणती खाती मिळणार? महत्वाची माहिती उघड

 

राज्यातील घडामोडींवर चर्चा करण्यासाठी काँग्रेसची आज ३ जुलै रोजी बैठक होत आहे. या बैठकीत विरोधी पक्षनेतेपदासंदर्भात चर्चा होणार आहे. राष्ट्रवादीत दोन गट निर्माण झाल्यामुळे काँग्रेसने विरोधी पक्षनेतेपदावर दावा केला आहे. तर, शिवसेना ठाकरे गटाची बैठक मातोश्रीवर दुपारी 12.30 सुरू होणार आहे. या बैठकीत आमदार, खासदार, नेते, उपनेते उपस्थित राहणार आहे. अजित पवार यांच्या शपथविधीनंतर शिवसेना ठाकरे गटाची ही पहिली बैठक होणार आहे.

 

 

 

रविवारी, २ जुलै दुपारपासून राज्यातील राजकारणात अनेक मोठ्या घडामोडी घडत आहेत. तर डॉ. अमोल कोल्हे यांनी खासदारकीचा राजीनामा देणार असल्याची माहिती दिली आहे. दरम्यान आज सकाळापासून अनेक खलबतं सुरु आहेत. नरहरी झिरवळ सकाळपासून नॉट रिचेबल आहेत. तर जयंत पाटील शरद पवार यांच्या भेटीला पोहचले आहेत. सिल्व्हर ओक येथे जयंत पाटील दाखल झाले आहेत. तर यानंतर शरद पवार ही वायबी चव्हाण सेंटरकडे रवाना झाले आहे. या ठिकाणी होणाऱ्या बैठकीत राष्ट्रवादी काँग्रेसमधील पुढील रणनीती ठरवण्यात येणार आहे.