कल्याणात ' डॉक्टर्स डे' निमित्त रक्तदान शिबीर

 

 

 

 

 

कल्याण : आयएमए कल्याणतर्फे डॉक्टर्स डे निमित्त आयोजित रक्तदान शिबिरामध्ये नागरिकांसह आयएमएचे डॉक्टर्सही मोठ्या संख्येने सहभागी झाले होते.

 

इंडीयन मेडीकल असोसिएशन कल्याणने नेहमीच सामाजिक बांधिलकी जपली आहे. मग तो कल्याणात आलेला महापुर असो की कोवीडसारखा भयानक काळ असो. या प्रत्येक कठीण काळात कल्याण आयएमएने आपली महत्त्वाची भूमिका निस्वार्थीपणे बजावली आहे. आपल्याकडे रक्तदान हे श्रेष्ठ दान समजले जाते. आणि याच भावनेतून यंदाही कल्याण आयएमएतर्फे ब्लडवेव्ह २०२३ नामक रक्तदान शिबिराचे आयोजन करण्यात आल्याची माहिती आयएमए कल्याणच्या अध्यक्षा डॉ. ईशा पानसरे यांनी दिली.

 

कल्याण पश्चिमेच्या गुरुदेव ग्रँड हॉटेलच्या सभागृहात या शिबिराचे आयोजन करण्यात आले होते. या रक्तदान शिबिरामध्ये अनेक रक्तदाते उत्स्फूर्तपणे सहभागी झाले होते. कल्याणातील सकाळ कट्टा ग्रुपमधील कडोंमपाचे सचिव संजय जाधव, विक्रीकर सहाय्यक आयुक्त प्रमोद बच्छाव आदींनी रक्तदान केले. तर आयएमएचे माजी अध्यक्ष डॉ. प्रशांत पाटील, आतापर्यंत १५० हून अधिक वेळा रक्तदान करणारे डॉ. प्रदीप बालिगा आणि ७३ व्यांदा रक्तदान करणारे डॉ. राजेंद्र लावणकर यांच्यासह डॉ. प्रशांत पाटील, डॉ. आश्विन कक्कर आदी डॉक्टरांनीही यावेळी रक्तदान केले. कल्याणसह आसपासच्या परिसरातील रक्तदत्यांनी दिलेल्या उत्स्फूर्त प्रतिसादाबद्दल माजी अध्यक्ष डॉ. प्रशांत पाटील यांनी त्यांचे आभार मानले